Qazaqstanda halyqaralyq aqsha aýdarymdarynyń kólemi aitarlyqtai qysqardy. Tamyz aiynda elden shetelge aqsha aýdarý júieleri arqyly 27,9 mlrd teńge jiberilgen. Bul kórsetkish shildedegi 56,4 mlrd teńgemen salystyrǵanda eki ese tómen, dep habarlaidy dalanews.kz.
Finprom sarapshylarynyń málimetinshe, tamyzdaǵy kórsetkish 2020 jyldyń sáýirinen bergi eń tómengi deńgei bolyp otyr. Sondai-aq bir jyl ishinde shetelge jiberilgen qarajat kólemi 2,6 ese azaiǵan. Máselen, 2025 jyldyń tamyzynda qazaqstandyqtar shetelge 72,7 mlrd teńge aýdarǵan.
Qazaqstanǵa keletin aqsha aýdarymdarynyń kólemi de tómendegen. Tamyzda halyqaralyq aqsha aýdarý júieleri arqyly elge 12,2 mlrd teńge túsken. Al shilde aiynda bul kórsetkish 15,9 mlrd teńgeni quraǵan.
Osylaisha, bir ai ishinde Qazaqstanǵa túsken qarajat kólemi 23,8%-ǵa qysqardy. Jyldyq esepteýde tómendeý 41,7% boldy.
