قازاقستاندا حالىقارالىق اقشا اۋدارىمدارىنىڭ كٶلەمٸ ايتارلىقتاي قىسقاردى. تامىز ايىندا ەلدەن شەتەلگە اقشا اۋدارۋ جٷيەلەرٸ ارقىلى 27,9 ملرد تەڭگە جٸبەرٸلگەن. بۇل كٶرسەتكٸش شٸلدەدەگٸ 56,4 ملرد تەڭگەمەن سالىستىرعاندا ەكٸ ەسە تٶمەن, دەپ حابارلايدى dalanews.kz.
Finprom ساراپشىلارىنىڭ مەلٸمەتٸنشە, تامىزداعى كٶرسەتكٸش 2020 جىلدىڭ سەۋٸرٸنەن بەرگٸ ەڭ تٶمەنگٸ دەڭگەي بولىپ وتىر. سونداي-اق بٸر جىل ٸشٸندە شەتەلگە جٸبەرٸلگەن قاراجات كٶلەمٸ 2,6 ەسە ازايعان. مەسەلەن, 2025 جىلدىڭ تامىزىندا قازاقستاندىقتار شەتەلگە 72,7 ملرد تەڭگە اۋدارعان.
قازاقستانعا كەلەتٸن اقشا اۋدارىمدارىنىڭ كٶلەمٸ دە تٶمەندەگەن. تامىزدا حالىقارالىق اقشا اۋدارۋ جٷيەلەرٸ ارقىلى ەلگە 12,2 ملرد تەڭگە تٷسكەن. ال شٸلدە ايىندا بۇل كٶرسەتكٸش 15,9 ملرد تەڭگەنٸ قۇراعان.
وسىلايشا, بٸر اي ٸشٸندە قازاقستانعا تٷسكەن قاراجات كٶلەمٸ 23,8%-عا قىسقاردى. جىلدىق ەسەپتەۋدە تٶمەندەۋ 41,7% بولدى.
