Men İle aımaǵy Kúnes aýdanynda boldym. «Elden keldiń ǵoı» dep sóz bastap, jer daýynyń qalaı bolyp jatqan bilmek bolǵan aǵaıynnyń kóńilinde Eli men Jerine degen alańdaýshylyǵy basym. Olar jer shetelge jalǵa beriletin bolsa, qazaqstandyqtar ózderiniń kúıin keshetinin aıtyp alańdap otyr.
Ondaǵy aǵaıyn jer eger Qytaıǵa jáne ózge elge jalǵa berilse jerimizden aıyrylyp qalarymyzdy, bir qytaı jer jalǵa alsa, 100 qytaıdyń ilesip baratynyn, jerdi hımıalyq dárilermen búldirip, búkil qazaqqa ý ishkizetinin bilip otyr.
Komıısá múshelerine sálemin joldaǵan qandastarymyzdyń negizgi oılary tqmendegideı: «Jer komısıasynyń qurylǵany durys bolǵan eken. Osy komısıa arqyly shetelde turyp jatqan bizdiń de tilekterimiz bılikke jetse deımin. Qazaq jerin sheteldikterge satqansha, eńbekshil halyqqa teńdeı, ádiletti túrde bólip berse, eginshilerdiń ekken astyǵyn ýaqtyly satyp alyp, ónimdi shetelge satsa, sol áldeqaıda paıdaly. Qazaq jeri ıgerýsiz qalmaıdy. Qazaqtar jer paıdalanýdy bilmeıdi emes, biledi. Qytaıdaǵy qazaqtardyń kóshin tejemeı, barǵandarǵa azamattyqty ýaqtyly berip, egistik jer men jaıylymyn berse, 2 mıllıonǵa jýyq qazaq-aq edáýir jerdi ıgerer edi. Óıtkeni, Qytaıdaǵy qazaqtardyń basym bóligi eginshilik pen mal baǵýdy kásip etip otyr. Qytaıdaǵy qandastaryńyz, myna bizder zamanaýı tehnologıamen mal ósirýdi (bordaqylaý) jáne egin egýdi jetik meńgerdik. Qytaıǵa satqansha, Qytaıdan barǵan qazaqtardyń múmkindigin paıdalansańyzdar, utylmaısyzdar. Sondyqtan, bul komısıa jerdi satýdan saqtaýdy ǵana maqsat etpeı, ár qazaqty jerdiń ıesi etýdi kózdeý kerek. Shetelden bolashaqata atamekenge baratyn halyqtyń jersiz qalmaýyn umytpaı, osy bastan oılastyrǵandary durys edi. Komısıa músheleriniń ishinde alystaǵy aǵaıynnyń muń-muqtajyn túsinetin alashshyl azamattar bizdiń usynysymyzdy oılastyrar degen úmittemiz» degen usynystaryn komısıa múshelerine jetkizýimdi amanat etti.
Turdybek QURMETHAN
