12 qyrkúiekte Túrkistan oblysynda Shaqpaq Baba asýynda jańa týnneldiń ashylý saltanaty ótti. Bul - Qazaqstandaǵy eń uzyn avtomobil týnneli, - dep habarlaidy Dalanews.kz.
Qos jolaqty týnneldiń uzyndyǵy 840 metr, eni 11 metr, al biiktigi 8 metr. Týnneldiń eki jaǵynda jaryqtandyrý, jeldetý júiesin jáne baǵdarshamdar ornalasqan. Týnneldiń ashylýy qys mezgilinde saparlardy jáne júk tasymalyn aitarlyqtai jeńildetpek.
Týnneldiń ashylý rásiminde Qazaqstannyń Kólik vitse-ministri Satjan Ablaliev bul týnneldiń ashylýy – elimizdiń kólik infraqurylymy úshin mańyzdy oqiǵa ekenin atap ótken.
Týnnel Batys Eýropa – Batys Qytai halyqaralyq kólik dáliziniń qazaqstandyq bóligine kiredi. Jalpy uzyndyǵy 8445 shaqyrym dáliz Resei arqyly 2233 shaqyrym, Qazaqstan arqyly 2787 shaqyrym jáne Qytai arqyly 3425 shaqyrym ótedi.
Shilde aiynda Qazaqstannyń Kólik ministri Marat Qarabaev 2024 jyly Qazaqstanda 12 000 shaqyrym joldy jóndeý jáne salý josparlanǵanyn habarlady.
Aita keteiik, bul jańalyq sheteldik busharalyq aqparat quraldarynyń da nazaryna ilikken. Onyń ishinde, The times of central asia basylymy, TASS agenttigi, Eurasiatoday.ru jáne taǵy da basqa sheteldik BAQ-ta bar.
