12 قىركۇيەكتە تۇركىستان وبلىسىندا شاقپاق بابا اسۋىندا جاڭا تۋننەلدىڭ اشىلۋ سالتاناتى ءوتتى. بۇل - قازاقستانداعى ەڭ ۇزىن اۆتوموبيل تۋننەلى، - دەپ حابارلايدى Dalanews.kz. 

قوس جولاقتى تۋننەلدىڭ ۇزىندىعى 840 مەتر، ەنى 11 مەتر، ال بيىكتىگى 8 مەتر. تۋننەلدىڭ ەكى جاعىندا جارىقتاندىرۋ، جەلدەتۋ جۇيەسىن جانە باعدارشامدار ورنالاسقان. تۋننەلدىڭ اشىلۋى قىس مەزگىلىندە ساپارلاردى جانە جۇك تاسىمالىن ايتارلىقتاي جەڭىلدەتپەك.

تۋننەلدىڭ اشىلۋ راسىمىندە قازاقستاننىڭ كولىك ۆيسە-مينيسترى ساتجان ابلالييەۆ بۇل تۋننەلدىڭ اشىلۋى – ەلىمىزدىڭ كولىك ينفراقۇرىلىمى ءۇشىن ماڭىزدى وقيعا ەكەنىن اتاپ وتكەن.

تۋننەل باتىس ەۋروپا – باتىس جۇڭگو حالىقارالىق كولىك ءدالىزىنىڭ قازاقستاندىق بولىگىنە كىرەدى. جالپى ۇزىندىعى 8445 شاقىرىم ءدالىز رەسەي ارقىلى 2233 شاقىرىم، قازاقستان ارقىلى 2787 شاقىرىم جانە جۇڭگو ارقىلى 3425 شاقىرىم وتەدى.

شىلدە ايىندا قازاقستاننىڭ كولىك ءمينيسترى مارات قارابايەۆ 2024 جىلى قازاقستاندا 12 000 شاقىرىم جولدى جوندەۋ جانە سالۋ جوسپارلانعانىن حابارلادى.

ايتا كەتەيىك، بۇل جاڭالىق شەتەلدىك بۇشارالىق اقپارات قۇرالدارىنىڭ دا نازارىنا ىلىككەن. ونىڭ ىشىندە، The times of central asia باسىلىمى، تاسس اگەنتتىگى، Eurasiatoday.ru جانە تاعى دا باسقا شەتەلدىك باق-تا بار.