Qytaidyń Shandýn provintsiiasynyń Halyq úkimeti tóraǵasynyń orynbasary Sýn Tsziýntszi qazaqstandyq QazTrade kompaniiasynyń saýda ókildigin ashýǵa usynys tastady. Bul másele QR Saýda jáne integratsiia ministri Arman Shaqqalievtiń QHR-ǵa jasaǵan is-saparynda talqylandy. Kezdesý barysynda eki el arasyndaǵy saýda-ekonomikalyq yntymaqtastyqty tereńdetýge qatysty negizgi máseleler sóz boldy dep habarlaidy Dalanews.kz.
Qytai provintsiiasynyń ókili saýda kólemin arttyryp, saýda saiasatyn jetildirý úshin jumys mehanizmin oilastyrýdy usyndy. Osylaisha eki el arasyndaǵy ekonomikalyq yntymaqtastyq jaqsarady deidi. Shaqqaliev bolsa, qytailyq taraptyń usynystaryn talqylaýǵa daiyn ekenin bildirdi.
«Biz byltyrdan beri Qytaimen saýda-sattyqty aimaqtandyrý printsipi boiynsha, ár óńirmen onyń erekshelikterin eskere otyryp jumys istep jatyrmyz», — dedi ministr.
Ministrdiń sózine súiensek, Qazaqstan Shandýnǵa agroónerkásip kesheni ónimderin, et jáne basqa da taýarlardy eksporttai alady. Mysaly qańtar-shilde aralyǵynda Qazaqstan men atalǵan provintsiia arasyndaǵy saýda-sattyq $869,1 mln bolǵan. Onyń ishinde eksport kólemi $348 mln bolsa, import —$521 mln.
Qazirgi tańda QazTrade keńseleri Sychýan, Hýbei jáne Shyńjań provintsiialary men Uiǵyr avtonomdyq okrýginde jumys istep tur. Al QazTrade bolsa, Saýda ministrligine tiesili. Memlekettik kompaniia eksportshylarǵa shyǵynynyń kei bóligin óteýge, orta jáne shaǵyn biznes ielerine qazaqstandyq shikizat emes ónimderdi ótkizýge kómektesedi.
