AQSh prezidenti Donald Tramp pen QHR tóraǵasy Si Tszinpin 14-15 mamyr kúnderi Beijińde kezdesip, Irandaǵy soǵysqa bailanysty keiinge qalǵan birqatar mańyzdy máseleni talqylaýy múmkin, dep habarlaidy dalanews.kz.
Carapshylardyń pikirinshe, kelissózder barysynda bes negizgi baǵytqa basymdyq beriledi dep josparlanyp otyr.
Alǵashqysy - saýda soǵysy men ekonomikalyq qatynastar. Taraptar ýaqytsha saýda kelisimin uzartý jáne jańa tarifter engizilýine jol bermeý máselesin qarastyrmaq. Sondai-aq, ózara investitsiiany arttyrý, Qytaidyń AQSh-tan energiia resýrstary, aýyl sharýashylyǵy ónimderi, Boeing ushaqtaryn satyp alýyn kóbeitý jaiy talqylanýy yqtimal.
Kelesi mańyzdy taqyryp - sirek jer metaldary men jartylai ótkizgishterge qatysty tehnologiialyq yntymaqtastyq. AQSh óndiris pen qorǵanys salasyna qajet shikizat jetkizilimin kúsheitýdi kózdese, Qytai joǵary tehnologiialarǵa qoiylǵan shekteýlerdi jeńildetýge múddeli.
Kezdesýde Iran máselesi men Ormýz buǵazyndaǵy jaǵdai da qozǵalady. Tramp buǵaz ashyq bolýyn jáne energetikalyq daǵdarys ýshyqpaýyn talap etýi múmkin. Al Qytai Taiaý Shyǵystaǵy óz múddecin jáne munai importyn qorǵaýǵa nazar aýdaryp otyr.
Taivan máselesi Beijiń úshin negizgi saiasi taqyryptardyń biri bolyp qala beredi. Si Tszinpin AQSh-tyń aralǵa áskeri ári saiasi qoldaýyn azaitýdy surap, Qytaidyń ustanymyn taǵy da bildirýi yqtimal.
Sonymen qatar, taraptar jasandy intellekt pen tehnologiialyq qaýipsizdik máselesin de talqylamaq.
