Qazaqstandyq saiasatker Tóleýtai Raqymbekov "Aýyl" partiiasynan shyqqanyn málimdedi. Bul týraly ol áleýmettik jelidegi paraqshasynda jazdy, dep habarlaidy dalanews.kz.
Raqymbekovtiń aitýynsha, onyń qoǵamdyq-saiasi qyzmeti 2015 jyldyń qyrkúieginen beri atalǵan partiiamen tikelei bailanysty bolǵan.
"11 jylǵa jýyq ýaqyt boiy meniń qoǵamdyq-saiasi ómirim "Aýyl" partiiasymen bailanysty boldy. Osy ýaqyt ishinde partiia meni 2019 jylǵy prezident sailaýyna, 2021 jáne 2023 jyldardaǵy Májilis sailaýyna kandidat retinde usyndy", – dep jazdy ol.
Sondai-aq saiasatker partiianyń prezidiýmy men saiasi keńesiniń múshesi bolǵanyn, bes jyldan astam ýaqyt partiia tóraǵasynyń birinshi orynbasary qyzmetin atqarǵanyn aitty.
"Uzaq oilanǵannan keiin partiianyń barlyq sailanbaly organdarynan jáne músheliginen shyǵý týraly sheshim qabyldadym. Osyǵan bailanysty 4 mamyr kúni ótinishimdi joldadym", – dedi Tóleýtai Raqymbekov.
Ol partiiaǵa jáne birge qyzmet atqarǵan áriptesterine alǵys bildirdi.
"Partiiaǵa jáne azamattardyń senimin aqtaýǵa adal eńbek etken barlyq áriptesterime rizashylyǵymdy bildiremin", – dep jazdy saiasatker.
