Ishki ister ministrligi jalǵan jarylys týraly habarlamalar úshin qylmystyq jaýapkershilik qarastyrylǵanyn eskertti, dep habarlaidy dalanews.kz.
Ministrlik málimetinshe, keiingi ýaqytta internet pen áleýmettik jelilerde jasóspirimderdiń jarylys, órt jáne ózge de qaýipter týraly jalǵan aqparat taratý deregi jiilegen.
Almaty oblysynda terrorizm aktisi týraly jalǵan habarlama taratty degen kúdikpen 9-synyptyń eki oqýshysy ustalǵan. Tergeý barysynda olardyń Astana men Almaty oblysynda bolǵan osyndai 14 jaǵdaiǵa qatysy bar ekeni anyqtalǵan.
Al Shyǵys Qazaqstan oblysynda 9-synyp oqýshysy áleýmettik jelidegi janjaldan keiin basqa adamdardyń atynan Shymkent ákimdigine jáne Aqtaýdaǵy saýda ortalyqtarynyń birine jarylǵysh zat qoiylǵany týraly habarlama jibergen. Oqýshylar anonimdi telefon nómirleri men elektron poshtalardy paidalanǵan.
IIM Kiberqylmysqa qarsy is-qimyl departamenti ókilderiniń aitýynsha, mundai áreketter ázil retinde jasalsa da, qylmystyq quqyqbuzýshylyq bolyp esepteledi. Jalǵan habarlamalar adamdar arasynda dúrbeleń týǵyzyp, shuǵyl qyzmetterdiń jumysyna kedergi keltiredi.
Politsiia mundai qylmystar úshin bas bostandyǵynan aiyrýǵa deiin jaza qarastyrylǵanyn atap ótti.
