Almatyda ótken regbi-15-ten Asia Rugby Emirates Women’s Championship týrnirinde Qazaqstan áielder quramasy kúmis júldege ie boldy. Jerlesterimiz Gonkong quramasymen sheberlik baiqasty, dep habarlaidy dalanews.kz.
Tartysty ótken matchta eki komanda da jeńis úshin bar kúshin saldy. Kezdesý 26:26 esebimen teń aiaqtalǵanymen, qosymsha kórsetkishter boiynsha Qazaqstan quramasy Aziia chempionatynyń kúmis júldesin jeńip aldy.
Al altyn júldeni Japoniia quramasy merziminen buryn jeńdi. Kúnshyǵys eliniń ókilderi Qazaqstan komandasyn 64:12 esebimen, al Gonkong quramasyn 72:12 esebimen jeńgen bolatyn.
Osylaisha, Qazaqstan áielder quramasy óz jerimizde ótken Aziia chempionatynda joǵary deńgeidegi oiyn órnegin kórsetip, qurlyqtaǵy úzdik komandalardyń biri ekenin taǵy bir márte dáleldedi. Bul jetistik elimizdegi áielder regbii qarqyndy damyp kele jatqanyn ańǵartady.
