2026 jyldyń qańtar–sáýir ailarynda Qazaqstannyń jalpy ishki ónimi (JIÓ) 3,6%-ǵa ósti. Bul týraly Ulttyq statistika biýrosynyń aldyn ala derekterinde aityldy, dep habarlaidy dalanews.kz.
Málimetke sáikes, el ekonomikasyndaǵy ósimge negizgi úlesti óńdeý ónerkásibi qosqan. Tórt aidyń qorytyndysy boiynsha ónerkásip óndirisiniń naqty kólem indeksi 102,1%-dy qurady. Al óńdeý sektoryndaǵy óndiris kólemi birden 9,9%-ǵa artqan.
Óńdeý salasynda eń joǵary ósim mashina jasaý ónerkásibinde tirkeldi. Bul sektor 23,3%-ǵa ulǵaiǵan. Ósimge kólik quraldaryn, aýyl sharýashylyǵy tehnikasyn, temirjol jabdyqtaryn, elektr tehnikasy men túrli qural-jabdyqtardy óndirý kóleminiń artýy áser etken.
Sonymen qatar birqatar salada aitarlyqtai ósim baiqaldy. Atap aitqanda:
- jeńil ónerkásip – 2,3 ese;
- jihaz óndirisi – 41,7%;
- farmatsevtika – 35,2%;
- qurylys materialdaryn óndirý – 27,7%;
- himiia ónerkásibi – 18,4%;
- azyq-túlik óndirisi – 14,4%-ǵa ósken.
USB dereginshe, jyl basynan bergi ekonomikanyń oń dinamikasy bazalyq salalardaǵy turaqty ósim esebinen qalyptasqan.
Eń joǵary ósim qarqyny myna salalarda tirkeldi:
- qurylys – 14,5%;
- kólik jáne qoimalaý – 12%;
- óńdeý ónerkásibi – 9,9%;
- saýda – 5,1%;
- aýyl sharýashylyǵy – 3,6%.
Osylaisha, qazirgi ekonomikalyq ósim qurylymynda shikizattyq emes sektorlardyń róli kúsheiip keledi. Ásirese qurylys, kólik, saýda jáne óńdeý ónerkásibi ekonomikanyń negizgi qozǵaýshy kúshine ainalyp otyr.
