2026 جىلدىڭ قاڭتار–سەۋٸر ايلارىندا قازاقستاننىڭ جالپى ٸشكٸ ٶنٸمٸ (جٸٶ) 3,6%-عا ٶستٸ. بۇل تۋرالى ۇلتتىق ستاتيستيكا بيۋروسىنىڭ الدىن الا دەرەكتەرٸندە ايتىلدى, دەپ حابارلايدى dalanews.kz.
مەلٸمەتكە سەيكەس, ەل ەكونوميكاسىنداعى ٶسٸمگە نەگٸزگٸ ٷلەستٸ ٶڭدەۋ ٶنەركەسٸبٸ قوسقان. تٶرت ايدىڭ قورىتىندىسى بويىنشا ٶنەركەسٸپ ٶندٸرٸسٸنٸڭ ناقتى كٶلەم يندەكسٸ 102,1%-دى قۇرادى. ال ٶڭدەۋ سەكتورىنداعى ٶندٸرٸس كٶلەمٸ بٸردەن 9,9%-عا ارتقان.
ٶڭدەۋ سالاسىندا ەڭ جوعارى ٶسٸم ماشينا جاساۋ ٶنەركەسٸبٸندە تٸركەلدٸ. بۇل سەكتور 23,3%-عا ۇلعايعان. ٶسٸمگە كٶلٸك قۇرالدارىن, اۋىل شارۋاشىلىعى تەحنيكاسىن, تەمٸرجول جابدىقتارىن, ەلەكتر تەحنيكاسى مەن تٷرلٸ قۇرال-جابدىقتاردى ٶندٸرۋ كٶلەمٸنٸڭ ارتۋى ەسەر ەتكەن.
سونىمەن قاتار بٸرقاتار سالادا ايتارلىقتاي ٶسٸم بايقالدى. اتاپ ايتقاندا:
- جەڭٸل ٶنەركەسٸپ – 2,3 ەسە;
- جيھاز ٶندٸرٸسٸ – 41,7%;
- فارماتسەۆتيكا – 35,2%;
- قۇرىلىس ماتەريالدارىن ٶندٸرۋ – 27,7%;
- حيمييا ٶنەركەسٸبٸ – 18,4%;
- ازىق-تٷلٸك ٶندٸرٸسٸ – 14,4%-عا ٶسكەن.
ۇسب دەرەگٸنشە, جىل باسىنان بەرگٸ ەكونوميكانىڭ وڭ ديناميكاسى بازالىق سالالارداعى تۇراقتى ٶسٸم ەسەبٸنەن قالىپتاسقان.
ەڭ جوعارى ٶسٸم قارقىنى مىنا سالالاردا تٸركەلدٸ:
- قۇرىلىس – 14,5%;
- كٶلٸك جەنە قويمالاۋ – 12%;
- ٶڭدەۋ ٶنەركەسٸبٸ – 9,9%;
- ساۋدا – 5,1%;
- اۋىل شارۋاشىلىعى – 3,6%.
وسىلايشا, قازٸرگٸ ەكونوميكالىق ٶسٸم قۇرىلىمىندا شيكٸزاتتىق ەمەس سەكتورلاردىڭ رٶلٸ كٷشەيٸپ كەلەدٸ. ەسٸرەسە قۇرىلىس, كٶلٸك, ساۋدا جەنە ٶڭدەۋ ٶنەركەسٸبٸ ەكونوميكانىڭ نەگٸزگٸ قوزعاۋشى كٷشٸنە اينالىپ وتىر.
