QMA Astana qalasy boiynsha departamenti ekologiialyq talaptarǵa sáikes kelmeitin kólikterdi zańsyz ákelý deregi boiynsha tergeýdi aiaqtady, dep habarlaidy dalanews.kz.
Tergeý amaldaryna sai bir top adam baqylaýyndaǵy JShS-lar arqyly "Evro-2" ekologiialyq klasyna jatatyn FAW markaly júk kólikterin Qazaqstan aýmaǵyna zańsyz importtaǵan.
Qoldanystaǵy "Evro-4"-ten tómen standarttaǵy tehnikany ákelýge tyiym salynǵanyna qaramastan kólikter ákelingen. Tehnika Qytai Halyq Respýblikasynan syrtqy ekonomikalyq kelisimsharttar negizinde jetkizilip, keiin kedendik rásimdeý kezinde jalǵan málimet paidalanylǵan. Kólikterdiń qaýipsizdik sertifikattary (SBKTS) qoldan jasalyp, onda ádeii "Evro-5" ekologiialyq klass dep kórsetilgen.
"Qazaqstan aýmaǵyna 20 arnaiy tehnika zańsyz ákelingen. Olardyń jalpy kedendik quny 284 mln teńgeden asqan. Keiin bul tehnika bailanysy bar kompaniialar tizbegi arqyly satylyp, memlekettik satyp alý aiasynda 600 mln teńgeden asa somaǵa jetkizilgen. Sot sanktsiiasymen kúdiktilerdiń múlkine, 9 kólik pen bir páterge, tyiym salyndy. Kúdiktilerdiń biri qamaýǵa alyndy, al onyń eki sybailasyna elden shyqpaý týraly bultartpaý sharasy qoldanyldy", - dep jazylǵan habarlamada.
