Mamyr aiynyń basynda jalpy jáne arnaiy is-sharalar keshenin júrgizý nátijesinde Túrkistan oblysy Arys qalasynda esirtki zerthanasy joiyldy, dep habarlaidy dalanews.kz.
Jedel-izdestirý is-sharalary barysynda qalanyń shetinde ornalasqan jeke turǵyn úide aǵaiyndy eki er adamnyń sintetikalyq esirtkini iri kólemde zańsyz óndirýdi uiymdastyrǵany anyqtaldy.
Oqiǵa ornynan tintý kezinde jarty tonnaǵa jýyq suiyq mefedron, 1,5 tonna prekýrsor alyndy. Olarǵa saraptama taǵaiyndaldy. Sondai-aq reaktor, kolbalar, magnittik aralastyrǵysh, kanistrler, plastikalyq naýalar jáne esirtki óndirý belgileri bar ózge de qural-jabdyqtar tárkilendi. Kúdiktilerge qatysty Qylmystyq kodekstiń 297-1-baby boiynsha sotqa deiingi tergep-tekserý bastaldy, onyń sanktsiiasy ómir boiyna bas bostandyǵynan aiyrýǵa deiingi jazany kózdeidi.
Ustalǵandar ýaqytsha ustaý izoliatoryna qamaldy. IIM eskertedi: esirtki óndirýdi jolǵa qoiýǵa baǵyttalǵan kez kelgen áreket qatań túrde toqtatylady. Atalǵan baǵyttaǵy jumys jalǵasýda, - dedi IIM esirtki qylmysyna qarsy is-qimyl komiteti tóraǵasynyń orynbasary Eldar Ábdikenov.
