14 qyrkúiek kúni «Nurly jol» shaǵyn aýdanynda jańa alleianyń ashylý saltanaty ótti, habarlaidy Dalanews.kz.
Shyǵys Qazaqstan oblysynyń qurylys, sáýlet jáne qala qurylysy basqarmasy qala turǵyndaryna «Nurly Jol» shaǵyn aýdanynyń jańa alleiasyn tanystyrdy.
Jańa alleianyń ashylýynda aýdan turǵyndary úshin merekelik baǵdarlama, utys oiyndary uiymdastyryldy. Jeńimpazdarǵa túrli syilyqtar tabystaldy. Alleianyń ashylýyna kelgen búldirshinder túrli baiqaýlar men utystarǵa qatysyp, animatorlardyń qoiylymyn tamashalady.
Sonymen qatar, «Taza Qazaqstan» ekologiialyq aktsiiasy aiasynda aýdan turǵyndary arasynda baiqaý ótkizilip, «Eń jasyl aýla», «Eń jaqsy kireberis», «Eń qaýipsiz úi», «Eń meiirimdi úi» nominatsiialarynyń jeńimpazdary anyqtaldy.
Aýdan turǵyndary turǵyn úiler men aýlany taza jáne uqypty ustaýǵa yntalandyrý maqsatynda, jyl saiyn 14 qyrkúiek kúni "Aýla kúnin" atap ótýdi usyndy.
