Túrkıadan bótenniń múlki asa iri mólsherde ıemdengeni úshin kúdikti ekstradısıalandy, - dep habarlaıdy Dalanews.kz.

Bas prokýratýra jáne İshki ister mınıstrliginiń Interpol qyzmetkerlerimen, Qazaqstannyń Túrkıadaǵy Elshiliginiń qoldaýymen qylmystyq jaýapkershilikke tartý maqsatynda Túrkıa Respýblıkasynan Qazaqstan azamaty ekstradısıalandy.

"Kúdikti 2022-2023 jyldar aralyǵynda Almaty qalasyndaǵy komersıalyq uıymnyń býhgalteri bola otyryp, tólem tapsyrmalaryna jalǵan málimetter engizý arqyly ózine senip tapsyrylǵan 27 mıllıon teńgege jýyq qarajatty zańsyz ıemdengen", - dep jazylǵan Bas prokýratýra habarlamasynda.

Qylmys jasaǵannan keıin kúdikti jasyrynǵan, osyǵan baılanysty oǵan halyqaralyq izdeý jarıalandy. Bıyl tamyzda ol Túrkıa aýmaǵynda ustalyp, sodan keıin Qazaqstan Bas prokýratýrasynyń suraýy boıynsha qazaqstandyq quqyq qorǵaý organdaryna berildi.

Qazirgi ýaqytta atalǵan adam Astana qalasynyń tergeý ızolátoryna qamalǵan.

Aıta keteıik, bul qylmysty jasaǵany úshin múlki tárkilenip,jeti jyldan on eki jylǵa deıingi merzimge bas bostandyǵynan aıyrý jazasy qarastyrylǵan.