Ýkrainada qazaqstandyq azamat qaitys boldy, - dep habarlaidy Dalanews.kz.
Bul týraly jýrnalist, bloger Luqpan Ahmediiarov habarlady. Aibek Ramazanov Oral qalasynyń týmasy.
"Ol 2023 jyly óz erkimen Resei Qarýly Kúshteriniń qataryna qosylyp Ýkrainaǵa qarsy qylmystyq soǵysqa qatysty. Buǵan deiin Aibek Ramazanov Batys Qazaqstan oblysynda Jaiyq Munai kompaniiasynda jumys istegen", - deidi jýrnalist.
Aita keteiik, búgin prezident Qasym-Jomart Toqaev Olaf Sholtstiń ótinishimen Ýkraina tóńiregindegi jaǵdaidy retteýge bailanysty pikirin jetkizdi,
– Áskeri turǵyda Reseidiń jeńilmeitini anyq. Soǵys budan ári órshi berse, barsha adamzatqa, eń aldymen, Resei-Ýkraina qaqtyǵysyna tikelei qatysy bar memleketterge saldary óte aýyr tiedi. Ókinishke qarai, Ystanbul kelisimin bekitýden bas tartyp, tatýlasýǵa qol jetkizetin ońtaily múmkindikti ýystan shyǵaryp aldy. Degenmen beibitshilik ornatýǵa áli de múmkindik bar. Túrli memleketterdiń barlyq beibit bastamalaryn muqiiat qarap, áskeri is-qimyldardy toqtatý týraly kelisimge kelý kerek. Sodan keiin territoriialyq máselelerdi talqylaǵan jón. Bizdińshe, Qytai men Braziliianyń beibitshilik jospary qoldaýǵa turarlyq. Memleketter basshylary keledi, ketedi. Al halyq, ásirese kórshiles halyqtar beibit ári bir-birimen túsinisip ómir súrýi kerek. Qazaqstannyń Reseimen dúnie júzi boiynsha qurlyqtaǵy eń uzyn shegendelgen shekarasy bar. Bizdiń elderimiz arasyndaǵy yntymaqtastyq strategiialyq seriktestik pen odaqtastyq aiasynda damyp keledi. Qazaqstandyqtar ýkrain halqy men onyń tól mádenietine shynaiy qurmetpen qaraidy. Qazaqstan men Ýkraina arasynda eshqandai kelispeýshilik bolǵan emes. Kievte Elshiligimiz áli de jumys istep jatyr, – dedi Memleket basshysy.
