ۋكراينادا قازاقستاندىق ازامات قايتىس بولدى, - دەپ حابارلايدى Dalanews.kz.
بۇل تۋرالى جۋرناليست, بلوگەر لۇقپان احمەديياروۆ حابارلادى. ايبەك رامازانوۆ ورال قالاسىنىڭ تۋماسى.
"ول 2023 جىلى ٶز ەركٸمەن رەسەي قارۋلى كٷشتەرٸنٸڭ قاتارىنا قوسىلىپ ۋكرايناعا قارسى قىلمىستىق سوعىسقا قاتىستى. بۇعان دەيٸن ايبەك رامازانوۆ باتىس قازاقستان وبلىسىندا جايىق مۇناي كومپانيياسىندا جۇمىس ٸستەگەن", - دەيدٸ جۋرناليست.
ايتا كەتەيٸك, بٷگٸن پرەزيدەنت قاسىم-جومارت توقاەۆ ولاف شولتستٸڭ ٶتٸنٸشٸمەن ۋكراينا تٶڭٸرەگٸندەگٸ جاعدايدى رەتتەۋگە بايلانىستى پٸكٸرٸن جەتكٸزدٸ,
– ەسكەري تۇرعىدا رەسەيدٸڭ جەڭٸلمەيتٸنٸ انىق. سوعىس بۇدان ەرٸ ٶرشي بەرسە, بارشا ادامزاتقا, ەڭ الدىمەن, رەسەي-ۋكراينا قاقتىعىسىنا تٸكەلەي قاتىسى بار مەملەكەتتەرگە سالدارى ٶتە اۋىر تيەدٸ. ٶكٸنٸشكە قاراي, ىستانبۇل كەلٸسٸمٸن بەكٸتۋدەن باس تارتىپ, تاتۋلاسۋعا قول جەتكٸزەتٸن وڭتايلى مٷمكٸندٸكتٸ ۋىستان شىعارىپ الدى. دەگەنمەن بەيبٸتشٸلٸك ورناتۋعا ەلٸ دە مٷمكٸندٸك بار. تٷرلٸ مەملەكەتتەردٸڭ بارلىق بەيبٸت باستامالارىن مۇقييات قاراپ, ەسكەري ٸس-قيمىلداردى توقتاتۋ تۋرالى كەلٸسٸمگە كەلۋ كەرەك. سودان كەيٸن تەرريتورييالىق مەسەلەلەردٸ تالقىلاعان جٶن. بٸزدٸڭشە, قىتاي مەن برازيلييانىڭ بەيبٸتشٸلٸك جوسپارى قولداۋعا تۇرارلىق. مەملەكەتتەر باسشىلارى كەلەدٸ, كەتەدٸ. ال حالىق, ەسٸرەسە كٶرشٸلەس حالىقتار بەيبٸت ەرٸ بٸر-بٸرٸمەن تٷسٸنٸسٸپ ٶمٸر سٷرۋٸ كەرەك. قازاقستاننىڭ رەسەيمەن دٷنيە جٷزٸ بويىنشا قۇرلىقتاعى ەڭ ۇزىن شەگەندەلگەن شەكاراسى بار. بٸزدٸڭ ەلدەرٸمٸز اراسىنداعى ىنتىماقتاستىق ستراتەگييالىق سەرٸكتەستٸك پەن وداقتاستىق اياسىندا دامىپ كەلەدٸ. قازاقستاندىقتار ۋكراين حالقى مەن ونىڭ تٶل مەدەنيەتٸنە شىنايى قۇرمەتپەن قارايدى. قازاقستان مەن ۋكراينا اراسىندا ەشقانداي كەلٸسپەۋشٸلٸك بولعان ەمەس. كيەۆتە ەلشٸلٸگٸمٸز ەلٸ دە جۇمىس ٸستەپ جاتىر, – دەدٸ مەملەكەت باسشىسى.
