اقىن, مەجٸلٸس دەپۋتاتى رينات زايىتوۆ قازاقفيلم مەن ەسكەردەگٸ بىلىققا قاتىستى اشىق پٸكٸر بٸلدٸردٸ, - دەپ حابارلايدى Dalanews.kz.
دەپۋتاتتىڭ سٶزٸنشە, قازٸر ماقساتتى تٷردە قازاقفيلمدٸ قۇرتۋ وپەراتسيياسى جٷرگٸزٸلٸپ جاتىر.
«شەكەن كەنجەتايۇلى ايمانوۆ اتىنداعى قارا شاڭىراق قازاقفيلمدٸ قۇرتۋ پروتسەسٸ سانالى تٷردە, ەدەيٸ جٷرٸپ جاتىر. بۇل, قاتەلەسپەسەم, احمەتجان ەسٸموۆتٸڭ بە, باۋىرجان بايبەكتٸڭ بە كەزٸندە باستالدى. قازاقفيلمنٸڭ تۇرعان جەرٸن بٸلەسٸز, قالانىڭ قاق ورتاسى. بۇلار سول جەردٸ العىسى كەلٸپ وتىر. ساۋدا ٷيٸن بە, بٸردەڭە سالعىسى كەلگەن ساسىق ارماندارى بار. بەس گەكتارىن الىپ الدى. ەندٸ قالعانىن قۇرتقالى وتىر. ەيتپەسە قازاقفيلم دەگەنٸڭٸز كەزٸندە 2000-عا جۋىق شتاتى بار, قانشاما ماتەريالدىق بازاسى بار, بەلەنباي پاۆيلونى جۇمىس ٸستەپ تۇرعان ٷلكەن ۇجىم ەدٸ. قازٸر 150-دەي ادام شتاتتا قالدى. سەگٸز پاۆيلوننىڭ بٸرەۋٸ عانا ٸستەپ تۇر عوي دەيمٸن. سەگٸزٸ ٸستەيتٸن بولسا, قازاقفيلم ٶز كٷنٸن ٶزٸ كٶرە الاتىن جەر ەدٸ.
قازاقفيلم مەملەكەتتەن قارجىلانبايدى. بۇل ارىستانبەك مۇحامەديۇلى دەگەن مىرزانىڭ جاساپ كەتكەن قاستىعى. ول «كينو قورى» دەگەندٸ قۇردى دا, بٷكٸل مەملەكەتتٸڭ اقشاسىن سوندا اۋدارادى, قازاقفيلمگە جىلىنا ەكٸ-اق فيلمگە رۇقسات ەتٸلەدٸ. ال انيماتسييالىق مۋلتفيلم تٷسٸرۋگە مٷلدەم رۇقسات ەتٸلمەيدٸ. سونداي قاۋلى شىعارىپ تاستاعان. ٶتكەندەگٸ انيماتورلاردىڭ زار جىلاپ جٷرگەنٸ - سول.
ازامات مىرزانىڭ جۇمىستان كەتۋٸ, مەنٸڭ تٷسٸنگەنٸم, ول بۇل جۇمىستىڭ نەتيجەسٸز بولاتىنىن تٷسٸندٸ دە, «قازاقفيلم مەنٸڭ تۇسىمدا قۇرىدى دەگەن سٶزگە قالعىم كەلمەيدٸ» دەپ شاراسىزدىقتان كەتكەن سيياقتى. بەلكٸم, قاتەلەسۋٸم مٷمكٸن. تەك ٶزٸمنٸڭ بولجامىم. ...ۇرپاقتىڭ الدىندا ۇياتتى بولماۋ ٷشٸن, ارۋاقتىڭ الدىندا كٸنەلٸ بولماۋ ٷشٸن قازاقفيلمدٸ ساقتاپ, بٸر ارقاسىنان قاعىپ جٸبەرسەك, ارى كەتسە ٷش جىلدا تابىس تاباتىن دەڭگەيگە جەتە الادى», - دەدٸ دەپۋتات «قاسقا جولعا» سۇحباتىندا.
رينات زايىتوۆ كەيٸنگٸ كەزدە ەسكەردە بولىپ جاتقان بىلىقتارعا قاتىستى دا پٸكٸر بٸلدٸردٸ. ونىڭ سٶزٸنشە, مەسەلەنٸ شەشۋدٸڭ بٸر جولى – شەنەۋنٸكتٸڭ بالاسىن ەسكەرگە جٸبەرۋ.
«مەملەكەتكە ەڭ بٸرٸنشٸ شەكارانى, ٸرگەنٸ بٷتٸندەۋ كەرەك. ونى قورعايتىن – ەسكەري ادامدار. ...بٸزگە ەسكەر كەرەك. قاجەت بولاتىن بولسا, باياعى سيياقتى ەكٸ جىل قىلسىن. ەسكەردٸ تٷزەۋ ٷشٸن نە ٸستەۋ كەرەك دەگەن سۇراققا بٸر-اق جاۋاپ بەرەتٸن ەدٸم. ەكٸمدەر, دەپۋتاتتار, مينيسترلەردٸڭ بالالارىنا ەسكەرگە بارۋدى مٸندەتتەۋ كەرەك. بٸر وبلىس ەكٸمٸنٸڭ بالاسى بٸر ەسكەري بٶلٸمدە جٷرسە, ول بٶلٸمدە «بارداك» بولمايدى.
...ەسكەرگە بارىپ جاتقان – اشىنعان داۋىسى ەستٸلمەيتٸن اۋىلدىڭ بالالارى. جاڭاعىلاردىڭ بالالارى بارسا, مىناداي بولمايتىن ەدٸ», - دەدٸ زايىتوۆ سۇحباتىندا.
