الماتىدا جالعان اقپارات تاراتتى دەگەن كٷدٸكپەن قامالعان بلوگەر ەدٸلەتحان مولداحاننىڭ تۋىستارى پرەزيدەنت قاسىم-جومارت توقاەۆقا, باس پروكۋراتۋرا مەن ٸشكٸ ٸستەر مينيسترلٸگٸنە اشىق حات جولداپ, ەدٸل تەرگەۋ جٷرگٸزۋدٸ تالاپ ەتتٸ, دەپ حابارلايدى Dala News.
ٷندەۋ اۆتورلارىنىڭ ايتۋىنشا, بلوگەر قازٸرگٸ تاڭدا الماتىداعى سي-8 تەرگەۋ يزولياتورىندا وتىر. وعان قاتىستى تاعايىندالعان ساراپتاما نەتيجەسٸ 9 سەۋٸرگە دەيٸن شىعۋى تيٸس. وسى قورىتىندى بويىنشا ونىڭ ەرەكەتٸندە قىلمىس قۇرامى بار-جوعى انىقتالادى.
تۋىستارى بلوگەردٸڭ مەملەكەتتٸك ۇستانىمعا قايشى پٸكٸر بٸلدٸرگەنٸ ٷشٸن عانا قۋدالانىپ جاتقان بولۋى مٷمكٸن ەكەنٸن العا تارتتى.
«بٸز ەدٸلدٸكتٸ تالاپ ەتەمٸز. ونى تەك پٸكٸرٸ ٷشٸن قىلمىسكەر رەتٸندە كٶرسەتۋگە بولمايدى. ول ەشقاشان تەكسەرٸلمەگەن اقپارات تاراتقان ەمەس», – دەلٸنگەن حاتتا.
ولاردىڭ سٶزٸنشە, ەدٸلەتحان بۇرىن پوليتسييا قىزمەتكەرٸ بولعان جەنە زاڭگەرلٸك بٸلٸمٸ بار, سوندىقتان جالعان اقپارات تاراتۋ جاۋاپكەرشٸلٸگٸن جاقسى تٷسٸنەدٸ.
قازٸرگٸ تاڭدا ٸس قر قىلمىستىق كودەكسٸنٸڭ 274-بابى بويىنشا قاراستىرىلۋى مٷمكٸن. بۇل باپتا ينتەرنەت ارقىلى جالعان اقپارات تاراتقانى ٷشٸن ايىپپۇلدان باستاپ ٷش جىلعا دەيٸن باس بوستاندىعىنان ايىرۋ جازاسى كٶزدەلگەن.
تۋىستارى بۇل جاعداي بلوگەرلەرگە قىسىم كٶرسەتۋ قۇرالىنا اينالىپ كەتۋٸ مٷمكٸن دەپ الاڭدايدى.
«ونى باسقالارعا ساباق بولسىن دەپ جازالاي ما دەگەن قاۋٸپ بار. تەرگەۋ اشىق ەرٸ ەدٸل ٶتسٸن دەيمٸز», – دەدٸ كٷدٸكتٸنٸڭ جاقىندارى.
ٷندەۋ سوڭىندا ولار مەملەكەت باسشىسىنان ٸستٸ جەكە باقىلاۋعا الۋدى سۇرادى.
