الماتىدا قالا كۇنى قارساڭىندا "تازالىق اپتالىعى" اياسىندا جول ينفراقۇرىلىمىن رەتكە كەلتىرىلۋ جۇمىستارى قىزا ءتۇستى، دەپ حابارلايدى Dalanews.kz.
قازىرگى ۋاقىتتا قالادا 1700 ايالداما كەشەنى جۋىلىپ، 390 باعدارشام نىسانى بويالىپ، جۋىلىپ جاتىر، 6 كم نەگىزگى كوشەلەردە 4 537 جول بەلگىسى مەن مەتالل قورشاۋلاردىڭ تىرەكتەرى جۋىلىپ، بويالۋدا.
قوعامدىق كولىكتىڭ سانيتارلىق جاعدايىن قامتاماسىز ەتۋ جۇمىسى كۇشەيتىلدى. قالا جولدارىندا كۇندەلىكتى جۇرەتىن 2،5 مىڭ اۆتوبۋستىڭ شاناعى مەن سالونىنىڭ تازالىعى، سونداي-اق جۇرگىزۋشىلەردىڭ سىرتقى كەلبەتى باقىلاۋعا الىنعان.
جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ ماقساتىندا مەكتەپتەر مەن باسقا دا الەۋمەتتىك نىسانداردىڭ ماڭىنداعى جاياۋ جۇرگىنشىلەر وتكەلدەرىنە جول بەلگىلەرى جاڭارتىلىپ جاتىر.
ايتا كەتۋ كەرەك، كەشە قالادا كوپقاباتتى تۇرعىن ۇيلەردىڭ اۋلاسىنداعى قوقىستى، كوشەدەگى قوقىس جاشىكتەرى مەن ارىق جۇيەسىن جيناۋ بويىنشا اۋقىمدى جۇمىس باستالدى. جالپى، "تازا قازاقستان" باعدارلاماسى اياسىندا قالادا 700-دەن استام كونتەينەرلىك الاڭداردى سانيتارلىق تازالاۋ، جۋۋ جانە زالالسىزداندىرۋ، 24 747 كوشە جانە اۋلا قوقىس جاشىكتەرىن تازالاۋ جۇمىستارى جۇرگىزىلەدى.
ەستەرىڭىزگە سالا كەتەيىك، قالا كۇنى قارساڭىندا الماتىدا تازالىق اپتالىعى وتۋدە. 9-13 قىركۇيەك ارالىعىندا "الماتى – ورتاق ءۇيىمىز" قالالىق ناۋقانى جانە رەسپۋبليكالىق "تازا قازاقستان" باعدارلاماسى اياسىندا كوشەلەر، اۋلالار، سۋبۇرقاقتار، وزەن جاعالاۋلارى، ساياباقتار، سكۆەرلەر مەن تاۋ بوكتەرىن جيناۋ بويىنشا اۋقىمدى جۇمىس جۇرگىزىلەدى.
