Almatyda qala kúni qarsańynda "Tazalyq aptalyǵy" aiasynda jol infraqurylymyn retke keltirilý jumystary qyza tústi, dep habarlaidy Dalanews.kz.
Qazirgi ýaqytta qalada 1700 aialdama kesheni jýylyp, 390 baǵdarsham nysany boialyp, jýylyp jatyr, 6 km negizgi kóshelerde 4 537 jol belgisi men metall qorshaýlardyń tirekteri jýylyp, boialýda.
Qoǵamdyq kóliktiń sanitarlyq jaǵdaiyn qamtamasyz etý jumysy kúsheitildi. Qala joldarynda kúndelikti júretin 2,5 myń avtobýstyń shanaǵy men salonynyń tazalyǵy, sondai-aq júrgizýshilerdiń syrtqy kelbeti baqylaýǵa alynǵan.
Jaiaý júrginshilerdiń qaýipsizdigin qamtamasyz etý maqsatynda mektepter men basqa da áleýmettik nysandardyń mańyndaǵy jaiaý júrginshiler ótkelderine jol belgileri jańartylyp jatyr.
Aita ketý kerek, keshe qalada kópqabatty turǵyn úilerdiń aýlasyndaǵy qoqysty, kóshedegi qoqys jáshikteri men aryq júiesin jinaý boiynsha aýqymdy jumys bastaldy. Jalpy, "Taza Qazaqstan" baǵdarlamasy aiasynda qalada 700-den astam konteinerlik alańdardy sanitarlyq tazalaý, jýý jáne zalalsyzdandyrý, 24 747 kóshe jáne aýla qoqys jáshikterin tazalaý jumystary júrgiziledi.
Esterińizge sala keteiik, Qala kúni qarsańynda Almatyda Tazalyq aptalyǵy ótýde. 9-13 qyrkúiek aralyǵynda "Almaty – ortaq úiimiz" qalalyq naýqany jáne respýblikalyq "Taza Qazaqstan" baǵdarlamasy aiasynda kósheler, aýlalar, sýburqaqtar, ózen jaǵalaýlary, saiabaqtar, skverler men taý bókterin jinaý boiynsha aýqymdy jumys júrgiziledi.
