باس كولىك پروكۋراتۋراسى قازاقستاندا ميگرانتتاردى اقشاعا زاڭداستىرۋدىڭ كەزەكتى سحەماسى انىقتالعانىن مالىمدەدى، دەپ حابارلايدى Dalanews.kz.
تەرگەۋ دەرەكتەرىنە سايكەس، ورتالىق ازيا ەلدەرىنەن كەلگەن 5 مىڭنان استام ازامات پارا بەرۋ ارقىلى جۇمىس ىستەۋگە جانە ەلدە تۇرۋعا رۇقسات العان.
اتالعان زاڭسىز ارەكەتكە كوشى-قون قىزمەتىنىڭ قىزمەتكەرلەرى مەن استاناداعى «ازاماتتارعا ارنالعان ۇكىمەت» فيليالىنىڭ وكىلدەرى قاتىسقانى بەلگىلى بولدى.
ءىس پارا الۋ جانە بەرۋ، دەلدالدىق جاساۋ، زاڭسىز كوشى-قوندى ۇيىمداستىرۋ جانە الاياقتىق باپتارى بويىنشا سارالانعان. جينالعان ماتەريالدار سوتقا جولداندى.
