Бас көлік прокуратурасы Қазақстанда мигранттарды ақшаға заңдастырудың кезекті схемасы анықталғанын мәлімдеді, деп хабарлайды Dalanews.kz.
Тергеу деректеріне сәйкес, Орталық Азия елдерінен келген 5 мыңнан астам азамат пара беру арқылы жұмыс істеуге және елде тұруға рұқсат алған.
Аталған заңсыз әрекетке көші-қон қызметінің қызметкерлері мен Астанадағы «Азаматтарға арналған үкімет» филиалының өкілдері қатысқаны белгілі болды.
Іс пара алу және беру, делдалдық жасау, заңсыз көші-қонды ұйымдастыру және алаяқтық баптары бойынша сараланған. Жиналған материалдар сотқа жолданды.
