باس پروكۋراتۋرا ەپشتەين ٸسٸنە قاتىستى جارييالانعان قۇجاتتاردى زەرتتەپ جاتىر. ۆەدومستۆو بۇل دەرەكتەر اراسىندا قازاقستان ازاماتتارىنىڭ اتى-جٶنٸ بار-جوعىن انىقتاۋعا كٸرٸسكەن, دەپ حابارلايدى Dalanews.kz.
Tengrinews.kz جارييالاعان ۆيدەودا باس پروكۋروردىڭ ورىنباسارى ەرلان ٶتەگەنوۆ زەرتتەلٸپ جاتقان مەلٸمەتتەردٸڭ كٶلەمٸ ٶتە اۋقىمدى ەكەنٸن اتاپ ٶتتٸ. قۇجاتتاردا 3 ميلليوننان استام حابارلاما بار.
"ولار تولىق ەمەس, ٷزٸك-ٷزٸك مەلٸمەتتەر. قازٸر قازاقستان ازاماتتارىنىڭ قاتىسى بار-جوعىن, سونداي-اق ەلٸمٸزگە قاتىستى قانداي دا بٸر مەلٸمەتتەردٸڭ بار-جوعىن مۇقييات قاراپ جاتىرمىز", – دەدٸ ول.
ەسكە سالايىق, بۇعان دەيٸن مەجٸلٸس دەپۋتاتى اسحات راحىمجانوۆ باس پروكۋراتۋرا مەن ۇقك-دەن دجەففري ەپشتەيننٸڭ فايلدارىندا اتى اتالعان بارلىق قازاقستاندىقتى, سونداي-اق ولارمەن بايلانىسى بولۋى مٷمكٸن تۇلعالاردى تەكسەرۋدٸ سۇرادى. دەپۋتات بۇل كەزدەسۋلەردٸڭ سيپاتىن انىقتاۋدى تالاپ ەتكەن ەدٸ.
ونىڭ ايتۋىنشا, قۇپييا اقپاراتتىڭ, سونىڭ ٸشٸندە مەملەكەتتٸك قۇپييالاردىڭ سىرتقا شىعۋ قاۋپٸن جوققا شىعارۋعا بولمايدى. دەپۋتاتتىق ساۋال 25 اقپاندا بەرٸك اسىلوۆقا جەنە ۇقك تٶراعاسى ەرمەك ساعىمباەۆقا جولدانعان.
راحىمجانوۆتىڭ سٶزٸنشە, دامىعان دەموكراتييالىق ەلدەردە بۇل داۋعا قاتىسى بار تۇلعالارعا قاتىستى پارلامەنتتٸك تەرگەۋلەر مەن قىلمىستىق قۋدالاۋ باستالىپ كەتكەن.
"مۇنى جابۋلى قازان كٷيٸندە قالدىرۋعا بولمايدى. قۇجاتتاردا "ەسكٸ قازاقستاننىڭ" جوعارعى ەشەلونىندا بولعان, ماڭىزدى مەملەكەتتٸك قىزمەت اتقارعان ادامدار اتالادى. بۇل ەندٸ ولاردىڭ جەكە ٶمٸرٸ ەمەس, مەملەكەتتٸڭ قاۋٸپسٸزدٸگٸ مەن ەلدٸڭ بەدەلٸنە قاتىستى مەسەلە. مىسالى, بۇرىنعى پرەمەر-مينيستر ەرٸ ۇقك-نٸڭ ەكس-تٶراعاسى كەرٸم مەسٸموۆجازبالاردا كەمٸندە سەگٸز رەت كەزدەسەدٸ", – دەدٸ دەپۋتات.
