شقو تۇرعىندارىنا كولىك دوڭگەلەگىن قىسقىعا اۋىستىرۋعا كەڭەس بەرىلدى، دەپ حابارلايدى Dalanews.kz.
شىعىس قازاقستان وبلىسىنىڭ پوليسيا دەپارتامەنتى وبلىس تۇرعىندارى مەن قوناقتارىنا كولىكتى قىسقى ماۋسىمعا دايىنداۋ قاجەت ەكەنىن ەسكە سالدى.
پوليسيا قىزمەتكەرلەرى جازعى دوڭگەلەكتەردى ۋاقىتىلى قىسقى دوڭگەلەكتەرگە اۋىستىرۋ، سونداي-اق، كولىكتىڭ تەحنيكالىق جاعدايىن، اسىرەسە، تەجەگىش جۇيەسىن، جارىق بەرۋ قۇرالدارىن جانە اككۋمۋلياتوردى تەكسەرۋ قاجەت ەكەنىن مالىمدەدى.
پوليسەيلەر جاياۋ جۇرگىنشىلەردى دە ساقتىق شارالارىن ەستەن شىعارماۋعا شاقىردى.
"جولدان وتكەن كەزدە اباي بولىڭىزدار، قاراڭعى ۋاقىتتا جارىق شاعىلعىستىرعىش ەلەمەنتتەردى قولدانىڭىزدار"،- دەدى ءىىم وكىلدەرى.
