بۇگىن ماجىلىستە دەپۋتاتتار "قۇقىقبۇزۋشىلىق پروفيلاكتيكاسى تۋرالى" جاڭا زاڭ جوباسى مەن وعان ىلەسپە تۇزەتۋلەردى ءبىرىنشى وقىلىمدا قارادى، دەپ حابارلايدى Dalanews.kz.
زاڭ جوباسىن قاراۋ بارىسىندا دەپۋتات باقىتجان بازاربەك ىشكى ىستەر ءمينيسترى ەرجان سادەنوۆكە سۇراق قويىپ، ءوزىنىڭ كوڭىلى تولمايتىن تۇستاردى ايتتى. ونىڭ سوزىنشە، ۋچاسكەلىك پوليسەيلەر ءتيىستى دەڭگەيدە جۇمىس ىستەمەيدى.
"تاۋ بوكتەرىن كەسىپ، زاڭسىز جەر قويناۋىن الۋ بويىنشا قانشاما تەكسەرىس اشتىم، ءسىزدىڭ ۆەدومستۆودان ەشقانداي رەاكسيا جوق. ىشكى ىستەر مينيسترلىگىنەن ەشكىم حابارلاسقان جوق. تاۋ بوكتەرىندە زاڭسىز سوعىلعان نىساندى ءسۇرۋ كەزىندە جەردىڭ يەسى ءوز-وزىن جانارمايمەن جاعامىن دەدى. سوندا پوليسيا بولعان جوق. لەپەحا مىرزاعا تەلەفون سوعىپ، پوليسيانى الىپ كەلۋگە تىرىستىم. بازاربەك قاتىسقاننان كەيىن پوليسيا كەلدى. ال بازاربەك ءقازىر پارلامەنت ماجىلىسىندە. ارينە، مەنىڭ ءسوزىم ىڭعايسىز. مەنىڭ ءسوزىم ىڭعايسىز ەكەنى بەت-الپەتىڭىزدەن بايقالىپ وتىر. رەنجىمەڭىز، ايتۋعا تۋرا كەلدى"، - دەدى ول.
وسىدان سوڭ ءماجىلىس ءتوراعاسى ەرلان قوشانوۆ دەپۋتاتقا بىلاي دەپ ەسكەرتۋ جاسادى:
"جۇمىسىن سىناڭىز، بەت-الپەتىن سىناۋدىڭ قاجەتى جوق".
