Qoǵamda AES qurylysyna bailanysty kúmándi, daýly saýal kóp. Halyq «AES salynatyn aýmaqtyń tabiǵaty búlinbei me?» dep te qorqady. Májilis depýtattary eldi alańdatqan mańyzdy saýaldarǵa jaýap berdi, - dep habarlaidy Dalanews.kz.
Belgili saiasatker, Májilis depýtaty Ermurat Bapi ózine jetken insaiderlik aqparat boiynsha elimizge qai memleket AES salatynynan habary baryn aityp, qorqýǵa esh negiz joq dep sendirdi.
«Birinshiden, qoǵam bilmei jatqan bir másele: atom elektr stantsisynyń qurylysyna Qazaqstannyń biýdjettik qarjysy ketedi, «ony jemqorlar tonaidy» degen túsinik bar. Bul Qazaqstannyń aqshasy emes, bul Búkilálemdik banktiń nesiesinen salynady. Árine, bizde syrtqy qaryz bar. Degenmen bul - bizge óte paidaly, tiimdi qarjylandyrý kózi. Sondyqtan Qazaqstannyń, biýdjettiń aqshasy ketedi degen qorqynysh bolmaýy kerek, bul uzaq jyl qaitarylady, investorǵa 30-40 jyldyń mańynda qaitatyn aqsha. Ekinshiden, bizde qoǵam tarapynan qaýiptiń bári jemqorlyqqa kelip tireledi ǵoi. Qarsy bolyp jatqan halyqtyń kópshiligi atom elektr stantsiiasynyń ózine qarsy emes, igerý máselesine, bizdegi júiege qarsy.
...Maǵan jetken insaiderlik aqparat boiynsha ony (AES-ti) kim salatynyn bilemin. Eger Qazaqstanǵa qajetsiz bir el salatyn bolsa, bul máselege qarsy bolatyn edim», - dedi Ermurat Bapi "Jetinshi stýdiiaǵa".
Depýtat Elnur Beisenbaev «Balqashtyń sýy búlinedi» deýge de eshqandai negiz joq ekenin málimdedi.
«Taǵy bir másele, úrei bar. Atom elektr stantsiiasy Almaty oblysynda Balqashtyń tóńireginde salynady. Qoǵamda «Balqashtyń tóńireginde salynady, Balqashtyń sýyn paidalanady, erteń Balqashqa qaitadan osyndai sý quiylady, temperatýrasyn kóterip jiberedi, faýna ózgeredi» degen úrei bar. Olai emes. Oǵan arnaiy sý daiyndalady. Ol Balqashtan alynýy múmkin, jerasty sýy alynýy múmkin. Onyń óziniń arnaiy mineraldaný protsesi bolady. Sodan keiin atom elektr stantsiiasynan sý bólinip shyqpaidy. Ol býlanyp ketedi.
Ótkende mamandar da aitty. Qazirgi reaktorlar sýsyz jumys istei beredi, kóp sý qajet emes. Ony Úlken aýylynyń mańynda salamyz degen oi bar. Bul - zerttelgen joba», - dedi Elnur Beisenbaev.
Aita keteiik, elimizde AES salý máselesine qatysty ulttyq referendým 6 qazanda ótedi.
