Astana qalasynda ótip jatqan V Dúniejúzilik kóshpendiler oiyndarynda otandyq 450 sheber rekord ornatty. Olar «Gaýhartas», «Synyq múiiz» jáne «Alaman» quraq tehnikalary boiynsha 11 200 sharshy metr kórpeshe qurap, «Kines» Qazaqstan rekordtar kitabyna endi, dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
El abyroiyn asyrǵan sheberler qatarynda Sozaq aýdany, Shoqan Ýálihanov atyndaǵy jalpy bilim beretin mekteptiń kórkem eńbek pániniń muǵalimi Aqbilek Baitemirqyzy da bar. Aita keteiik, 8-14 qyrkúiek aralyǵynda ótip jatqan aitýly sharaǵa álemniń 85 elinen 4 000-ǵa jýyq sportshy qatysýda. Sport jarysynan bólek bul sharanyń maqsaty - otandyq týrizmdi, etnomádenietti damytý.
