Aqtóbelik belsendiler Qytai tarapynan seziletin áleýmettik teńsizdikke alańdaýly. Berdibek Saparbaev aqtóbelik belsendilermen ashyq kezdesý ótkizdi. El máselesi, jer máselesine alańdaǵan jiynda qytai men qazaq jumysshylary arasyndaǵy áleýmettik teńsizdik te aityldy.
Bul týraly NUR.KZ -ke silteme jasap, dalanews.kz saity habarlaidy.
«Keshegi shyqqan mitingte kópshilik Qytai máselesin kóterdi. Biz moiyndaýymyz kerek. Oblys kóleminde Qytai tarapynan áleýmettik teńsizdik bar. Qytai shyn máninde absoliýtti bilikke ie bolyp kele jatyr. Ekonomikanyń 60-70 paiyzy solardyń qolynda desek, artyq aitqandyq emes. Bul Aqtóbe tóńireginde. Eger ekonomikanyń tetigi kimniń qolynda bolsa, bilik te, sóz de, yqpal da sonyń qolyna kóshýi ábden múmkin. Biz Qytaidan kelgender men jergilikti jumysshylar arasyndaǵy áleýmettik teńsizdikke nazar aýdarýymyz kerek», - deidi Nurlybai Qoshamanuly.
Óńirdegi shetel azamattarynyń sanaýly ekenin aitqan oblys basshysy jaǵdaidyń baqylaýda ustap otyrǵanyna sendirdi.
«Men bizdiń oblysta qansha shetel azamat jumys isteidi degendi taldadym. Jalpy oblysta jumys isteitin adamdardyń sany 430 myńǵa jýyq. Sonyń ishinde ruqsat berilgen 1 400 sheteldik azamat bolý kerek. Qazirgi jumys jasap jatqan sheteldiń adamdary - 1 100. Onyń ishinde 70-80 qytai bar. Men barlyq Qytai kompaniiasynyń basshylaryna: «Eger qysqartý bolsa, birinshi Qytai azamaty qysqarý kerek. Qytaidy jiberesińder ana jaqqa dep aityp otyrmyn», - dedi oblys ákimi.
Berdibek Mashbekuly el ekonomikasynyń tizgini sheteldikterge berilmeitinin basyp aitty.
«Eshqashan, memleket basshysy, biz tiri turǵan kezde, jumys istep jatqan kezde, biz bilikti, ásirese, ekonomikany shetelge bermeimiz. Biz de Qazaqstannyń azamatymyz. Ótken senbi kúni Jańajolda boldym, sol jerde qondym. Shynyn aitqanda ol jerde qazaqtardyń turyp jatqan jeri qytailardan jaqsy, eki adamnan turady. Qytailar 4-5 adamnan turyp úirenip qalǵan. Jumysshylarmen sóilestim, jaǵdailaryn suradym. Ol jerde tek bir másele bar, ol - mamandar. Mamandar bizde bolmaǵanan keiin sondai jalaqy tólenedi. Ol memleket arasyndaǵy kelisimge sáikes. Al jumysshylar arasynda aiyrmashylyq joq. «Qytai qaptap ketti» dep aitady. Biz endi ai qarap otyrǵan joqpyz. Ekinshiden memleketimizdiń zańy bar. Árbir keletin qytai, ózbek, orys bola ma oǵan ruqsat beriledi. Keiingi kezde qarapaiym jumysshy ákelmeý jóninde talap qoiylyp otyr» ,- dedi Aqtóbe oblysynyń ákimi Berdibek Saparbaev.
