S. Amanjolov atyndaǵy ShQÝ-da qarjylyq qaýipsizdikti úiretýge arnalǵan forým ótti. Bul sharany ShQO-nyń Ekonomikalyq tergep-tekserý Departamenti uiymdastyrdy, dep habarlaidy Dalanews.kz
Bul forým Memleket basshysynyń «Zań jáne tártip» baǵdarlamasy aiasynda qarjylyq qaýipsizdikti arttyrý jáne jastardy qarjylyq qaterler men qaýipterden qorǵaý maqsatynda atqarylyp jatqan mańyzdy qadam.
Is-sharaǵa oblys ákimi Nurymbet Saqtaǵanov, memlekettik organdardyń ókilderi, ýniversitet oqytýshylary men stýdentteri qatysty.
Forýmnyń basty maqsaty – jastar arasynda qarjylyq jáne quqyqtyq saýattylyq deńgeiin arttyrý, sondai-aq stýdentterge qarjylyq qaýipsizdik salasyndaǵy qazirgi zamanǵy qaýipter men qaterlerdi anyqtaý daǵdylaryn úiretý.
– Biz stýdentterimiz ben oqýshylarymyzǵa jeńil jolmen aqsha tabý múmkin emestigin jetkizý úshin túrli seminarlar ótkizýdemiz. Qazir kóptegen stýdentter qylmystyq shemalardyń qurbany bolýda. Bul bilim men mundai qarjylyq operatsiialarǵa immýnitettiń bolmaýynan. Sondyqtan biz Qazaqstan Respýblikasy Qarjylyq monitoring agenttigimen birlesip jumys jasap, qarjylyq immýnitet pen mádenietti qalyptastyrýǵa tyrysyp jatyrmyz. Osylaisha sizder alaiaqtyqty birden anyqtai alasyzdar. Biz sizderge senemiz jáne olimpiadada joǵary deńgeide bilim kórsetip, jeńispen oralýyńyzǵa tilektespiz. Biraq eń bastysy – bul qarjylyq qaýipsizdik jáne qoǵamymyzdyń qaýipsizdigi, – dedi ShQO ákimi Nurymbet Saqtaǵanov.
Forým barysynda qarjylyq alaiaqtyqtar, dropperler shemalary men jeke qarjyny qorǵaýdyń tásilderi talqylandy. Stýdentter qarjy salasyndaǵy jańa tendentsiialardy meńgerip, qaýipter men qaterlerdi tiimdi anyqtaý daǵdylaryn igerdi. Forým jastar, oqytýshylar men qarjy salasyndaǵy mamandar arasynda tájiribe men bilim almasý úshin mańyzdy alańǵa ainaldy.
-Barlyq stýdentterimizdi, oqytýshylarymyzdy qarjylyq turǵydan saýatty bolýǵa shaqyramyz. Bizdiń ýniversitetimizdiń stýdentteri, “Shabyt” teatry aýdandardy ártúrli qoiylymdar qoiyp, halyqqa túsindirý jumystaryn ary qarai jalǵastyratyn bolady, – dedi S. Amanjolov atyndaǵy ShQÝ rektory Muhtar Tólegen.
Forýmdaǵy mańyzdy sharalarynyń biri - qarjylyq qaýipsizdik boiynsha Ulttyq olimpiadaǵa stýdentterdi daiyndaý. Olimpiada alǵash ret ótedi jáne úsh kezeńnen turady: onlain testileý, offlain formatta esse jazý jáne aqyl-oi oiyndary men fidjital-shahmat týrniri arqyly finaldyq irikteý. Jeńimpazdar Reseide ótetin Halyqaralyq qarjylyq qaýipsizdik olimpiadasyna qatysý múmkindigine ie bolady.
Olimpiadaǵa daiyndyq aiasynda 7-11 sáýir aralyǵynda oblystyń barlyq ýniversitetteri men kolledjderinde arnaiy daiyndyqtan ótken oqytýshylar men Departament qyzmetkerleri dárister ótkizedi. Dárister qarjylyq alaiaqtyq shemalary, jeke derekterdi qorǵaý jáne tsifrlyq dáýirdegi qarjylyq qaýipsizdik máselelerin qamtidy. Sharalarǵa Shyǵys Qazaqstan oblysyndaǵy ýniversitetter men kolledjderden 32 myńǵa jýyq stýdent qatysady dep kútilýde.
Sondai-aq, dárister arasyndaǵy úzilisterde interaktivti oiyndar uiymdastyrylyp, olar alynǵan bilimderdi nyǵaitýǵa jáne jastar úshin oqytýdy qyzyqty etýge kómektesedi. Stýdentter qarjylyq qaýipsizdik máselesine joǵary deńgeide qatysatyndyǵyn kórsetetin «Qarjylyq qaýipsizdik úshin!» jáne «Dropperlerge NO!» urandary astynda aktsiialar men fleshmobtarǵa belsene qatysýda.
–Jastar – elimizdiń bolashaǵy. Olardyń qarjylyq quqyq buzýshylyqtarǵa jáne alaiaqtyqtarǵa qarsy turaqtylyǵy tikelei olardyń habardarlyǵyna bailanysty. Biz osy sharalardyń stýdentterge tek teoriialyq bilim alýǵa ǵana emes, sonymen qatar praktikalyq daǵdylardy damytýǵa múmkindik beretinin senemiz, – dedi ShQO boiynsha Ekonomikalyq tergep-tekserý Departamentiniń basshysy Arman Jýnýsov.
Forým men olimpiadaǵa daiyndyq qarjylyq qaýipsizdikti qamtamasyz etý jónindegi memlekettik baǵdarlamanyń mańyzdy bóligine ainaldy. Mundai bastamalar jastardy qarjylaryn tiimdi basqarýǵa jáne qazirgi álemdegi qarjylyq qaterlermen kúresýge daiyn bolýǵa kómektesedi.
