Qaraǵandy oblysynda 16 jastaǵy bozbala 14 jastaǵy jasóspirimdi órtep jibergen, dep habarlaidy Dalanews.kz turkystan.kz-ke siltep.
Oqiǵa 2024 jyly 17 qyrkúiekte Aqtoǵai aýdanyna qarasty Shashýbai aýylynda bolǵan.
Basylym dereginshe, 16 jastaǵy jasóspirim 14 jastaǵy balany ádeii órtegen. Ol janyp turǵan sirińkeni oǵan qarai laqtyrǵan. Jábirlenýshiniń benzinge malynǵan shalbary birden tutanyp ketken. Jábirlenýshi kiimin sheshýge tyrysqanymen, matasy erip, terisine jabysyp qalǵan, sonyń saldarynan aýyr kúiik alǵan.
Tergeý dereginshe, 16 jastaǵy jasóspirim kúiik alǵan balaǵa kómek kórsetpegen jáne meditsinalyq qyzmet shaqyrmaǵan. Ol úiinen óziniń eski shalbaryn alyp kelip, jábirlenýshiden sol shalbardy kiiýdi talap etken jáne bolǵan jaǵdaidy eshkimge aitpaýyn talap etken. Jábirlenýshi sol shalbardy kiip, úiine oralǵannan keiin anasy jedel járdem shaqyrǵan.
Qaraǵandy oblysynyń iývenaldy sotynyń sýdiasy 16 jastaǵy jasóspirimdi QR Qylmystyq kodeksiniń 107-baby 2-bóligi – "Kámeletke tolmaǵanǵa qatysty ádeii ortasha aýyrlyqtaǵy ziian keltirý" boiynsha kináli dep tanydy.
Sot sottalýshynyń kámeletke tolmaǵanyn, sottalmaǵanyn eskere otyryp, 1 jyl 6 ai merzimge bas bostandyǵyn shekteý jáne bir jyl probatsiialyq baqylaý belgileý týraly úkim shyǵardy.
