Atyraýda Iana Legkodimovanyń isin tergegen tergeýshiniń qyzmeti ósti, dep habarlaidy Dalanews.kz.
Atyraý oblysy Politsiia departamentinde qyzmettik mindetin abyroimen atqaryp, asa aýyr qylmysty ashýda erekshe kózge túsken birqatar politsei marapattaldy.
"Tergeý áreketterin sapaly júrgizip, kásibi sheberlik tanytqan tergeý basqarmasynyń asa mańyzdy ister jónindegi aǵa tergeýshisi, politsiia kapitany Temirhan Hajmuratov merziminen buryn basshy quramnyń arnaýly ataǵyn aldy", - dep jazylǵan habarlamada.
Marapatqa sebep bolǵan - 2024 jyly iz-tússiz joǵalǵan Iana Legkodimovaǵa qatysty asa aýyr qylmysty ashýda atyraýlyq politseilerdiń kásibiligi men jedel áreketi.
Tártip saqshylary beinebaqylaý derekterin saralap, jedel izdestirý is-sharalaryn uiymdastyryp, eki kúdiktini anyqtap, isti tolyq ashqan.
Qos kúdikti sot úkimimen ómir boiyna bas bostandyǵynan aiyryldy.
