Densaýlyq saqtaý ministrligi 2026–2028 jyldarǵa arnalǵan sýitsidtiń aldyn alý jónindegi jol kartasyn ázirledi. Bul týraly premer-ministr Oljas Bektenov málimdedi, dep habarlaidy Dalanews.kz.
Qujat qazir memlekettik organdarmen kelisý satysynda.
Josparda halyq arasynda, sonyń ishinde áskeri qyzmetshiler arasynda sýitsidtik minez-qulyqty tómendetýge baǵyttalǵan júieli ári ǵylymi negizdelgen sharalar qarastyrylǵan. Ásker qatarynda qazirdiń ózinde zamanaýi psihodiagnostikalyq ádister – PHQ-9, GAD-7 testteri jáne qazaqstandyq jaǵdaiǵa beiimdelgen sýbektivti ál-aýqat shkalasy qoldanylyp jatyr.
Buǵan deiin Qorǵanys ministrligi tamyz aiynda shamamen 500 shaqyrylýshynyń sýitsidke beiimdiligi anyqtalǵandyqtan, áskeri qyzmetten bosatylǵanyn habarlaǵan edi.
