دەنساۋلىق ساقتاۋ مينيسترلىگى 2026–2028 جىلدارعا ارنالعان ءسۋيسيدتىڭ الدىن الۋ جونىندەگى جول كارتاسىن ازىرلەدى. بۇل تۋرالى پرەمەر-مينيستر ولجاس بەكتەنوۆ مالىمدەدى، دەپ حابارلايدى Dalanews.kz.
قۇجات ءقازىر مەملەكەتتىك ورگاندارمەن كەلىسۋ ساتىسىندا.
جوسپاردا حالىق اراسىندا، سونىڭ ىشىندە اسكەري قىزمەتشىلەر اراسىندا سۋيسيدتىك مىنەز-قۇلىقتى تومەندەتۋگە باعىتتالعان جۇيەلى ءارى عىلىمي نەگىزدەلگەن شارالار قاراستىرىلعان. اسكەر قاتارىندا ءقازىردىڭ وزىندە زاماناۋي پسيحودياگنوستيكالىق ادىستەر – PHQ-9، GAD-7 تەستتەرى جانە قازاقستاندىق جاعدايعا بەيىمدەلگەن سۋبەكتيۆتى ءال-اۋقات شكالاسى قولدانىلىپ جاتىر.
بۇعان دەيىن قورعانىس مينيسترلىگى تامىز ايىندا شامامەن 500 شاقىرىلۋشىنىڭ سۋيسيدكە بەيىمدىلىگى انىقتالعاندىقتان، اسكەري قىزمەتتەن بوساتىلعانىن حابارلاعان ەدى.
