Qazaqstandyq politseiler 20 jyl boiy ashylmai jatqan aýyr qylmysqa kináli adamdy tapty. Zamanaýi tehnologiianyń arqasynda 2006 jyly jasalǵan qatygezdik áshkerelenip, marqumnyń ary aldynda ádildik ornady, dep habarlaidy Dalanews.kz.
Oqiǵa osydan 20 jyl buryn Qaraǵandy oblysynda bolǵan. Dúkennen azyq-túlik alamyn dep shyqqan 70 jastaǵy ájei sol kúii úiine oralmaǵan.
Qariia qaraýsyz turǵan atqoranyń janynan ótken sátte belgisiz adam shabýyl jasaǵan. Qaskói dármensiz áieldi zorlap, artynsha qatygezdikpen óltirip ketken. Sol kezde oqiǵa ornynan biologiialyq izder alynsa da, tehnikalyq múmkindik shekteýli bolyp, qylmyskerdi birden ustaýǵa múmkindik bermegen.
Ishki ister ministrliginiń jedel-kriminalistikalyq departamentiniń bastyǵy Sergei Stiheevtiń aitýynsha, sol jyldary tabylǵan aiǵaqtardy adamnyń DNQ-symen naqty sáikestendirý múmkin bolmaǵan. Sondyqtan is uzaq ýaqyt «ashylmaǵan qylmystar» tiziminde qalǵan.
«Biyl biz jumys júiesin tolyq jańarttyq. Burynǵy isterdegi aiǵaqtardyń bárin qaita zerttep, kriminalistikalyq bazalar men DNQ derekterin túgel salystyrdyq. Sonyń nátijesinde kúdikti tabyldy. Qazir onyń jasy 55-te», – dep málimdedi ol.
Tergeý málimetinshe, kúdikti óz qylmysyn tolyq moiyndaǵan. Ol qazirgi kezde basqa is boiynsha koloniiada jazasyn ótep jatyr. Qosymsha tergeý jalǵasyp jatyr.
Mamandar aiǵaq durys saqtalsa, ol ondaǵan jyl ótken soń da qylmyskerdi áshkerelei alatynyn aitady. Ol úshin biologiialyq material arnaiy temperatýra men ylǵaldylyq saqtalǵan kameralarda ustalady.
