Qazaqstanda transshekaralyq aýdarymdardyń aýqymdy shemasy áshkerlendi, dep habarlaidy Dalanews.kz.
Onda aqsha tólem uiymdary arqyly ótkizilip, zańdy operatsiialar retinde jasyrynyp, onlain-kazinonyń paidasyna shyǵarylǵan.
Qazaqstan aýmaǵynda onlain-kazino qyzmetine tolyq tyiym salynǵan.
Mundai platformalar salyq tólemeidi, klientterdi sáikestendirmeidi, balalar men jastardy belsendi túrde tartady, sondai-aq halyqtyń moraldyq jáne psihikalyq densaýlyǵyna eleýli ziian keltiredi.
Shemany júzege asyrý úshin finteh-servisterdiń ieleri býkmekerlik keńselermen jasalǵan jalǵan sharttar negizinde alynǵan «sur» POS-terminaldar men Terminal ID qoldanǵan.
Qazirgi ýaqytta zańsyz operatsiialardyń anyqtalǵan kólemi 600 mlrd teńgeden asady.
Quqyqqa qarsy áreketke 20-dan astam tólem uiymy, sondai-aq ekinshi deńgeili bankterdiń jekelegen laýazymdy tulǵalary tartylǵan.
Sonymen qatar tórt onlain-kazinoǵa tehnikalyq qoldaý kórsetip, aqsha operatsiialary boiynsha keńes bergen Call-ortalyqtyń qyzmeti toqtatyldy.
Onyń zańsyz jumysyna Qazaqstan, Resei, Belarýs, Ispaniia jáne Vetnam azamattarynan quralǵan 120 adam tartylǵan.
Budan bólek, Call-ortalyq uiymdastyrýshylary kriptovaliýta arqyly qarajat qabyldap, shyǵarýdy júzege asyrǵan gembling negizindegi seriktestik baǵdarlamasyn qurǵan.
Onyń ainalymy 200 mln USDT-ten asyp tústi.
Atalǵan is-sharalardy júzege asyrý barysynda 70-ten astam tintý júrgizilip, zattai dáleldemeler tárkilendi.
Sot sanktsiiasymen, olardyń ishinde «Tólem uiymdary qaýymdastyǵy» ZTB basshysynyń keńesshisi bar toǵyz tulǵaǵa qamaýǵa alý túrindegi bultartpaý sharasy qoldanyldy.
Qazirgi ýaqytta olardyń ishinde shetel azamattary bar segiz adamdy halyqaralyq izdeýge jariialaý úshin materialdar daiyndalýda.
QPK-niń 201-babyna sáikes ózge aqparat jariialaýǵa jatpaidy.
Agenttik jeke jáne zańdy tulǵalardy zańsyz qumar oiyndardy ilgeriletýge qatysýǵa jol berilmeitini jóninde taǵy da qatań eskertedi.
Onlain-kazino qyzmeti zańdy buzyp qana qoimai, lýdomaniianyń taralýyna sebep bolady.
Osyǵan bailanysty zańsyz qumar oiyndarǵa kómek kórsetýge baǵyttalǵan kez kelgen áreket qylmystyq qyzmetti uiymdastyrýǵa járdemdesý retinde baǵalanyp, sózsiz qylmystyq jaýapkershilikke ákep soǵady.
