Talǵat Erseiitov Stepnogorsk qalasynyń ákimi qyzmetine taǵaiyndaldy. Tiisti ókimge Aqmola oblysynyń ákimi Marat Ahmetjanov qol qoiǵan, dep habarlaidy dalanews.kz.
Jańa qyzmetke taǵaiyndalǵanǵa deiin Talǵat Erseiitov Astrahan aýdanynyń ákimi bolǵan. Ol bul qyzmetti 2023 jyldyń qarashasynan beri atqaryp keldi.
Talǵat Amanbaiuly Erseiitov 1974 jylǵy 15 sáýirde Aqmola oblysy Astrahan aýdanynyń Astrahanka aýylynda dúniege kelgen.
Eńbek jolynda jergilikti memlekettik basqarý salasynda birqatar basshylyq qyzmet atqarǵan. 2009-2012 jyldary Astrahan aýdany ákiminiń orynbasary, al 2012-2017 jyldary osy aýdannyń ákimi boldy.
2017-2019 jyldary Esil aýdanyn basqarsa, 2019-2023 jyldary Bulandy aýdanynyń ákimi qyzmetin atqarǵan. 2023 jyldyń qarashasynda qaitadan Astrahan aýdanynyń ákimi bolyp taǵaiyndaldy.
Aita keteiik, 21 qyrkúiekte buǵan deiin Stepnogorsk qalasynyń ákimi bolǵan Ǵaidar Qasenov qyzmetinen bosatylǵan edi.
