Ýkraina prezidenti Vladimir Zelenskii Eýropamen jáne AQSh-pen jańa kelissózderdiń negizgi taqyryby eldiń qorǵanys qabileti men uzaq merzimdi qarjylandyrý máseleleri bolatynyn aitty, dep habarlaidy Dalanews.kz.
Zelenskiidiń aitýynsha, aldaǵy kúnderi Eýropa elderiniń basshylarymen birqatar konsýltatsiialar ótedi.
Prezident negizgi basymdyqtardy atady:
- Ýkrainaǵa qaýipsizdik kepildikteri;
- tózimdilikti qoldaý sharalary;
- qorǵanysqa arnalǵan qarjylai paketter;
- eń bastysy - áýe shabýylyna qarsy qorǵanys júieleri jáne uzaq merzimdi qarjylandyrý.
«Biz ortaq kózqaras pen kelissózderdegi ortaq ustanymdardy talqylaimyz», - dedi Zelenskii.
AQSh-pen kelissózderdiń jalǵasy
Ýkraina prezidenti sońǵy kúnderi Kiev ókilderi AQSh prezidentiniń elshilerimen mazmundy kelissózder júrgizgenin atap ótti. Onyń sózinshe, bul baǵyttaǵy jumys endi Eýropada jalǵasady.
«Qazir Ulttyq qaýipsizdik jáne qorǵanys keńesiniń hatshysy Rýstem Ýmerov pen Bas shtab bastyǵy Andrei Gnatov Eýropaǵa jol tartty. Olar maǵan Máskeýde amerikalyq delegatsiiaǵa aitylǵan málimettiń tolyq mazmunyn jetkizedi. Sondai-aq AQSh bizben jáne Reseimen kelissózder júrgizýde qandai tustardy ózgertýge daiyn ekenin baiandaidy», - dedi.
«Kúrdeli, biraq maǵynaly áńgime»
Zelenskii amerikalyq biznes ókilderi Stiven Vitkoff jáne Djared Kýshnermen sóileskenin atap ótti. Onyń aitýynsha, taraptar keń aýqymdy yntymaqtastyqqa ázir.
«Keibir máselelerdi tek betpe-bet talqylaýǵa bolady. Sol úshin Ýmerov pen Gnatov barlyq aqparatty jetkizedi, al men London men Briýsselde Eýropa basshylarymen kelissózder júrgizemin», - dedi Ýkraina prezidenti.
Aldaǵy aptada Ýkraina úshin mańyzdy halyqaralyq kezdesý tribýnasyna ainalǵaly tur: Kiev Batyspen jańa qorǵanys kelisimderin rásimdeýdi josparlap otyr.
