Aqtóbe oblysynda taǵy da jantúrshigerlik jol apaty bolyp, 5 sheteldik qaza tapty, dep habarlaidy Dalanews.kz.
7 jeltoqsanda saǵat 08:40 shamasynda respýblikalyq mańyzy bar Samara–Shymkent tasjolynyń 1024-shaqyrymynda avtobýs aýdarylyp ketken.
"Aldyn ala málimet boiynsha avtobýs júrgizýshisi Samara–Shymkent tasjolymen Qarabutaq aýylynan Qyzylorda oblysyna qarai kele jatyp, Áitekebi aýdanyna qarasty Ulǵaisyn aýylynyń mańynda kólik quralynyń qozǵalys baǵyty boiynsha oń jaqqa aýdarylýyna jol bergen. Avtobýs salonynda Perm–Tashkent baǵytynda jol júrgen Ózbekstan Respýblikasynyń 49 azamaty bolǵan", - dedi politsiia.
Jol apaty saldarynan 5 jolaýshy oqiǵa ornynda kóz jumdy, 11 jolaýshy túrli dene jaraqattarymen Áitekebi aýdandyq aýrýhanasyna jetkizildi. Qazirgi tańda jol-kólik oqiǵasynyń sebebi anyqtalyp jatyr.
