Qazaqstandaǵy Ýkraina elshiligi jyl saiyn 6 jeltoqsanda atap ótiletin Ýkraina Qarýly kúshteri kúnin merekeledi. Bul týraly elshi Viktor Maiko óz paraqshasynda habarlady, dep jazady Dalanews.kz.
«6 jeltoqsan, Ýkraina Qarýly kúshteri kúni – soǵys jyldaryndaǵy árbir kún tárizdi bizdiń barlyq oiymyz alǵysqa toly. Biz bul kúndi óz qorǵaýshylarymyzǵa arnaimyz», – dep jazdy diplomat.
Onyń aitýynsha, elshilik ujymy bul kúndi otandastarymen birge eske alý úshin jinalǵan. Maiko áriptesterine joldaǵan sózinde Ýkrainanyń tarihy - erkindik, táýelsizdik jáne óz jerinde ómir súrý quqyǵy úshin kúres ekenin atap ótti. Sondai-aq qazirgi áskerdiń dástúri ýkrain kazaktarynyń áskeri murasymen bailanysty ekenin jetkizdi.
Ýkraina Qarýly kúshteri 1991 jyly qurylǵan. Áskerdiń belsendi jańǵyrýy 2014 jylǵy oqiǵalardan keiin bastaldy, al 2022 jyldan beri Ýkraina qarýly kúshteri tolyqqandy soǵys jaǵdaiynda negizgi qarsylyq kúshi retinde áreket etip keledi.
