Qytai astanasynda jelini de, jol salý salasynyń mamandaryn da tańǵaldyrǵan erekshe oqiǵa boldy. Tek bir tún ishinde jumysshylar 8 myń tonna asfalt tógip, ainalma joldyń 2,4 shaqyrymyn bar bolǵany alty saǵatta tolyq jańartty, dep habarlaidy Dalanews.kz carvix saityna silteme jasap.
QHR Syrtqy ister ministrliginiń resmi ókili Mao Nin «Qytai jyldamdyǵy» atty videorolik jariialap, keń kólemdi jumystyń qalai júrgizilgenin kórsetti. Beinetaspada Beijińniń tórtinshi ainalma jolyn jańartý barysy jáne megapolistegi ekologiialyq jaǵdaidy jaqsartýǵa baǵyttalǵan sharalar kórsetilgen.
Jelide jariialanǵan video qazirgi tehnologiia men durys uiymdastyrý kez kelgen kúrdeli isti shyndyqqa ainaldyra alatynyn dáleldedi.
Jóndeý jumystary túngi saǵat 00:00 shamasynda bastalyp, alty saǵattan keiin tolyq aiaqtalǵan. Jyldamdyqty qamtamasyz etý úshin aýyr tehnikanyń birneshe túri tartylǵan:
- jańa asfaltty jedel tóseýge arnalǵan asfaltoýkladshylar;
- joldy nyǵyzdaityn katoktar;
- asfaltty toqtaýsyz jetkizip turǵan júk kólikteri;
- eski jabyndy alatyn arnaiy mashinalar.
Aldyn ala josparlanǵan logistika materialdyń toqtaýsyz jetkizilýine jaǵdai jasap, jobanyń rekordtyq merzimde aiaqtalýyna negiz bolǵan.
Mamandar mundai jobalar tek múmkindikti kórsetý úshin emes, ekologiialyq jaǵdaidy jaqsartyp, keptelistiń aldyn alý úshin de asa mańyzdy ekenin aitady.
