قىتاي استاناسىندا جەلٸنٸ دە, جول سالۋ سالاسىنىڭ ماماندارىن دا تاڭعالدىرعان ەرەكشە وقيعا بولدى. تەك بٸر تٷن ٸشٸندە جۇمىسشىلار 8 مىڭ توننا اسفالت تٶگٸپ, اينالما جولدىڭ 2,4 شاقىرىمىن بار بولعانى التى ساعاتتا تولىق جاڭارتتى, دەپ حابارلايدى Dalanews.kz carvix سايتىنا سٸلتەمە جاساپ.
قحر سىرتقى ٸستەر مينيسترلٸگٸنٸڭ رەسمي ٶكٸلٸ ماو نين «قىتاي جىلدامدىعى» اتتى ۆيدەوروليك جارييالاپ, كەڭ كٶلەمدٸ جۇمىستىڭ قالاي جٷرگٸزٸلگەنٸن كٶرسەتتٸ. بەينەتاسپادا بەيجٸڭنٸڭ تٶرتٸنشٸ اينالما جولىن جاڭارتۋ بارىسى جەنە مەگاپوليستەگٸ ەكولوگييالىق جاعدايدى جاقسارتۋعا باعىتتالعان شارالار كٶرسەتٸلگەن.
جەلٸدە جارييالانعان ۆيدەو قازٸرگٸ تەحنولوگييا مەن دۇرىس ۇيىمداستىرۋ كەز كەلگەن كٷردەلٸ ٸستٸ شىندىققا اينالدىرا الاتىنىن دەلەلدەدٸ.
جٶندەۋ جۇمىستارى تٷنگٸ ساعات 00:00 شاماسىندا باستالىپ, التى ساعاتتان كەيٸن تولىق اياقتالعان. جىلدامدىقتى قامتاماسىز ەتۋ ٷشٸن اۋىر تەحنيكانىڭ بٸرنەشە تٷرٸ تارتىلعان:
- جاڭا اسفالتتى جەدەل تٶسەۋگە ارنالعان اسفالتوۋكلادشىلار;
- جولدى نىعىزدايتىن كاتوكتار;
- اسفالتتى توقتاۋسىز جەتكٸزٸپ تۇرعان جٷك كٶلٸكتەرٸ;
- ەسكٸ جابىندى الاتىن ارنايى ماشينالار.
الدىن الا جوسپارلانعان لوگيستيكا ماتەريالدىڭ توقتاۋسىز جەتكٸزٸلۋٸنە جاعداي جاساپ, جوبانىڭ رەكوردتىق مەرزٸمدە اياقتالۋىنا نەگٸز بولعان.
ماماندار مۇنداي جوبالار تەك مٷمكٸندٸكتٸ كٶرسەتۋ ٷشٸن ەمەس, ەكولوگييالىق جاعدايدى جاقسارتىپ, كەپتەلٸستٸڭ الدىن الۋ ٷشٸن دە اسا ماڭىزدى ەكەنٸن ايتادى.
