Ortalyq komýnıkasıalar qyzmetiniń alańynda Almaty oblysynyń ákimi Marat Sultanǵazıev óńirdiń ótken jyldaǵy eleýli ekonomıkalyq tabystary týraly aıtyp, aldaǵy josparlarymen bólisti, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Oblys ákiminiń aıtýynsha, Qazaqstan Prezıdenti Qasym-Jomart Toqaevtyń ekonomıkanyń alty paıyzdyq ósimin qamtamasyz etýge baǵyttalǵan tapsyrmasyn oryndaý basty mindet bolyp tabylady.
Aǵymdaǵy jyldyń 11 aıynda oblys qysqa merzimdi ekonomıkalyq kórsetkishke 109,1% qol jetkizdi, bul negizgi salalardy damytýdyń turaqty serpinin kórsetedi.
Marat Sultanǵazıev óńirde ónerkásip óndirisi 6,9 paıyzǵa artqanyn, bul ortasha respýblıkalyq kórsetkishten 2,7 paıyzǵa asyp túsetinin atap ótti. Bul oblystyń respýblıka boıynsha besinshi oryn alýyna múmkindik berdi. Basqa salalarda da aıtarlyqtaı ósim baıqalady: saýda – 13,2%-ǵa, qurylys – 20,6%-ǵa, kólik qyzmeti – 21%-ǵa ósti.
