Búgin elimizdiń ár óńirinde aýa raıy árkelki bolady. Sınoptıkterdiń boljamynsha, keı aımaqtarda jaýyn-shashyn kútilse, endi bir óńirlerde kún ashyq ári qurǵaq bolady, dep habarlaıdy Dalanews.kz.
"Qazgıdromet" málimetine sáıkes, atmosferalyq fronttardyń áserinen batys óńirlerde, sondaı-aq ońtústik pen ońtústik-shyǵystyń taýly aımaqtarynda jańbyr jaýyp, keı jerlerde naızaǵaı oınaýy múmkin. Ásirese batys aımaqtarda jaýyn-shashyn mol túsedi.
Al eldiń qalǵan bóliginde antısıklon yqpaly saqtalyp, jaýyn-shashynsyz, turaqty qurǵaq aýa raıy kútiledi.
Sonymen qatar sınoptıkter keı óńirlerde tuman túsip, batys, ońtústik jáne shyǵys aımaqtarda jeldiń kúsheıýi múmkin ekenin eskertedi.
Budan bólek, Qyzylorda oblysynyń shyǵys bóliginde, Túrkistan oblysynyń batysynda jáne Jetisý oblysynyń ońtústiginde órt qaýpi áli de joǵary deńgeıde qalyp otyr.
