2026 jyldyń aqpan aıynda Qazaqstandaǵy eń iri bankterdiń qarjylaı kórsetkishteri tómendegen. Ulttyq bank derekterine súıensek, eldegi jetekshi bes banktiń barlyǵy derlik ótken jylmen salystyrǵanda az tabys tapqan, dep habarlaıdy Dalanews.kz.
Nege.Aqsha málimetinshe, eń kóp shyǵynǵa ushyraǵan – Kaspi bank. Onyń taza tabysy bir jylda 20,5 paıyz qysqarǵan. Halyk Bank ta burynǵy deńgeıin saqtaı almaı, tabysyn 10,4 paıyzǵa azaıtqan. Al Bank SentrKredıt pen Forte Bank kórsetkishteri tipti tómen. Olardyń kórsetkishteri tıisinshe 26,4 jáne 20,3 paıyz quldyraǵan. Otbasy bankiniń de tabysy 8,9 paıyz azaıǵan.
Jalpy alǵanda, 2026 jyldyń alǵashqy eki aıynda osy bes bank ótken jyldyń sáıkes kezeńimen salystyrǵanda shamamen 60 mıllıard teńge kóleminde tabysynan aıyrylǵan.Bul úrdis tek jekelegen bankterge ǵana emes, búkil sektorǵa tán. Aqpan aıynyń qorytyndysy boıynsha eldegi barlyq ekinshi deńgeıli bankterdiń jıyntyq taza tabysy 13,3 paıyzǵa tómendegen. Al 2025 jyly bank sektorynyń tabys ósimi aıtarlyqtaı baıaýlap, 2024 jylǵy 17 paıyzdan 6,7 paıyzǵa deıin túsken.
Sarapshylar mundaı ózgeristiń basty sebebi retinde salyq mólsherlemesiniń kóterilýin atap otyr. Bıyldan bastap korporatıvtik tabys salyǵy 20 paıyzdan 25 paıyzǵa deıin ulǵaıdy. Bul bankterdiń taza tabysyna tikeleı áser etip, qarjylaı nátıjelerdiń tómendeýine ákelgen.
