2026 جىلدىڭ اقپان ايىندا قازاقستانداعى ەڭ ٸرٸ بانكتەردٸڭ قارجىلاي كٶرسەتكٸشتەرٸ تٶمەندەگەن. ۇلتتىق بانك دەرەكتەرٸنە سٷيەنسەك, ەلدەگٸ جەتەكشٸ بەس بانكتٸڭ بارلىعى دەرلٸك ٶتكەن جىلمەن سالىستىرعاندا از تابىس تاپقان, دەپ حابارلايدى Dalanews.kz.
Nege.Aqsha مەلٸمەتٸنشە, ەڭ كٶپ شىعىنعا ۇشىراعان – Kaspi بانك. ونىڭ تازا تابىسى بٸر جىلدا 20,5 پايىز قىسقارعان. Halyk Bank تا بۇرىنعى دەڭگەيٸن ساقتاي الماي, تابىسىن 10,4 پايىزعا ازايتقان. ال بانك تسەنتركرەديت پەن Forte Bank كٶرسەتكٸشتەرٸ تٸپتٸ تٶمەن. ولاردىڭ كٶرسەتكٸشتەرٸ تيٸسٸنشە 26,4 جەنە 20,3 پايىز قۇلدىراعان. وتباسى بانكٸنٸڭ دە تابىسى 8,9 پايىز ازايعان.
جالپى العاندا, 2026 جىلدىڭ العاشقى ەكٸ ايىندا وسى بەس بانك ٶتكەن جىلدىڭ سەيكەس كەزەڭٸمەن سالىستىرعاندا شامامەن 60 ميلليارد تەڭگە كٶلەمٸندە تابىسىنان ايىرىلعان.بۇل ٷردٸس تەك جەكەلەگەن بانكتەرگە عانا ەمەس, بٷكٸل سەكتورعا تەن. اقپان ايىنىڭ قورىتىندىسى بويىنشا ەلدەگٸ بارلىق ەكٸنشٸ دەڭگەيلٸ بانكتەردٸڭ جيىنتىق تازا تابىسى 13,3 پايىزعا تٶمەندەگەن. ال 2025 جىلى بانك سەكتورىنىڭ تابىس ٶسٸمٸ ايتارلىقتاي باياۋلاپ, 2024 جىلعى 17 پايىزدان 6,7 پايىزعا دەيٸن تٷسكەن.
ساراپشىلار مۇنداي ٶزگەرٸستٸڭ باستى سەبەبٸ رەتٸندە سالىق مٶلشەرلەمەسٸنٸڭ كٶتەرٸلۋٸن اتاپ وتىر. بيىلدان باستاپ كورپوراتيۆتٸك تابىس سالىعى 20 پايىزدان 25 پايىزعا دەيٸن ۇلعايدى. بۇل بانكتەردٸڭ تازا تابىسىنا تٸكەلەي ەسەر ەتٸپ, قارجىلاي نەتيجەلەردٸڭ تٶمەندەۋٸنە ەكەلگەن.
