Batys Qazaqstan oblysyndaǵy jol apatynan keiin 24 oqýshy aýrýhanaǵa jetkizildi, dep habarlaidy Dalanews.kz.
31 naýryz kúni shamamen saǵat 14:00-de Terekti aýdanyna qarasty Podstepnoe kentinde mektep avtobýsy men jolaýshylar avtobýsy soqtyǵysty. BQO PD málimetinshe, Samara – Shymkent respýblikalyq avtojolymen kele jatqan jolaýshylar avtobýsy mektep avtobýsymen soqtyǵysqan. Soqqy saldarynan mektep avtobýsy alda turǵan kólikke soǵylǵan.
«Moi gorod» basylymynyń jazýynsha, jol apaty saldarynan 24 bala zardap shekken. Olardyń barlyǵy aýrýhanaǵa jetkizildi. 21 bala jumsaq tinderdiń soǵylýymen ambýlatoriialyq emge jiberilse, úsheýi jabyq bas-mi jaraqaty jáne mi shaiqalý diagnozymen aýrýhanaǵa jatqyzylǵan. Dárigerler olardyń jaǵdaiyn ortasha aýyr dep baǵalap otyr.
Sondai-aq jolaýshylar avtobýsyndaǵy tórt adam da jaraqat alǵan.
Mektep direktorynyń aitýynsha, mektep avtobýsynda Podstepnoe kentindegi №2 orta mekteptiń oqýshylary bolǵan. Barlyq bala oryndyqta otyrǵan, janynda kezekshi muǵalim bolǵan. Mektep avtobýsy tarapynan eshqandai zańbuzýshylyq anyqtalmaǵan.
Atalǵan fakti boiynsha qylmystyq is qozǵaldy. Jolaýshylar avtobýsynyń júrgizýshisi ýaqytsha ustaý izoliatoryna qamaldy. Politsiia tergeý júrgizip jatyr.
