Qyrǵyzstanda balalarǵa ine salynǵan kámpit taratqan er adam ustaldy, dep habarlaidy Dalanews.kz.
Bishkekte balalarǵa ishinde ine synyqtary bar kámpit taratty degen kúdikpen er adam qolǵa tústi. Oqiǵa 28 naýryzda keshke "Aq-Ordo" turǵyn alabynda bolǵan.
Lenin aýdandyq ishki ister basqarmasynyń málimetinshe, politsiiaǵa jergilikti turǵyn júgingen. Onyń aitýynsha, 11 jastaǵy qyzy men ózge balalarǵa belgisiz er adam táttiler bergen. Keiin kámpitterdiń ishinen ine bólshekteri tabylǵan.
Bul derek boiynsha qylmystyq is qozǵalyp, qajet saraptamalar taǵaiyndaldy. Jedel is-sharalar barysynda kúdikti anyqtalyp, ustalǵan. Ol ýaqytsha ustaý izoliatoryna qamaldy.
Tintý kezinde onyń úiinen kámpitter men iske qatysty ózge de aiǵaqtar tárkilengen.
