Qazaqstan joǵary oqý oryndarynda jasandy intellekt arqyly daiyndalǵan ǵylymi jumystardy anyqtaý júiesi kúsheitiledi. Bul týraly Ǵylym jáne joǵary bilim ministri Saiasat Nurbek málimdedi, dep habarlaidy Dalanews.kz.
Ministrdiń aitýynsha, eldegi ýniversitetter antiplagiat júielerin jańartyp, ony jańa deńgeige kóterýdi josparlap otyr. Atalǵan júieler kýrstyq jumystar men dissertatsiialardyń neirojeliler kómegimen jazylǵan-jazylmaǵanyn anyqtai almaq.
Sonymen qatar jasandy intellektini qoldanýǵa tolyq tyiym salynbaidy. Degenmen ony paidalaný naqty erejelermen shekteledi. Máselen, stýdentter tehnologiiany aqparatty óńdeý, derekterdi taldaý sekildi kómekshi qural retinde qoldana alady. Al ǵylymi qorytyndyny óz betinshe shyǵarý talap etiledi.
Ministrdiń sózinshe, bul talaptar bilim sapasyn arttyrýǵa baǵyttalǵan. Osyǵan bailanysty joǵary oqý oryndaryna JI arqyly jazylǵan jumystardy qabyldamaýǵa, tipti qajet bolǵan jaǵdaida dissertatsiialardyń kúshin joiýǵa quqyq beriledi.
